[مرشدالمظيبري]

محاوره شعريه بين ثنيان سرور وحميد معتق الرشيدي الملقب بالهواوي



ثنيان

قالو الموال قلت ابدا وقول
وشع للي من الجمال من الحلول
بعد ماحليت في بلد الرسول
والـــوعد قـــدام والــدنيا تـــــــــدور

اباغير الطاروق واجيب طاروق
وابقول وينك ياالمسما هواوي




ابقسم لك اليله مع اصحابك حقوق
ولو كان خلق الله ماتطلع تساوي




الهواوي



قالو الموال مير الله يعين
والهواوي حاضر من الحاضرين
ودايم نمشي علي الدرب اليمين
والـــوعد قـــدام والــدنيا تـــــــــدور




نبي نشتري ونبيع يوم احتما السوق
وانا جيت لكن قوللي ويش ناوي




اعرفك رفيق نظرتك لسماء فوق
عسي الله يفكك من جميع البلاواي




ثنيان



طال عمرك مير هيا هات هات
اليالي مقبلات ومقفيات
ماتركت بقعاء من اعيال وبنات
والـــوعد قـــدام والــدنيا تـــــــــدور




تري الرجل بين الناس مذهب ومنطوق
ومن ضيع الثنتين ماله مدواي




انا لا لقيت جنيه من دون صندوق
اسميه بلوي من كبار البلاواي



الهواوي



اليالي يكفي الله دورها
والسفن ترسي بوسط بحورها
مير بقعاء ماتتطير اطيورها
والـــوعد قـــدام والــدنيا تـــــــــدور




كلام تقوله صح وافي وموثوق
لكن صادفتك في طرقتك ذيب عاوي




يقولون مايبقي علي الارض مخلوق
لو ان العرب تصل لبعض الحراوي




ثنيان



لارزقك الله بقسم من القسوم
احمد الله كل ليل وكل يوم
لكن احذرك عن حب الخشوم
والـــوعد قـــدام والــدنيا تـــــــــدور




تمهل وسير وكل مطرود ملحوق
ولا تارد بدلوا بليا هواوي




تري شارب الشيطان محلوق محلوق
لاياربع الصمان والا الصداوي




الهواوي



راضي بي اللي يجبه الله للي
خيروالا شر بمشي بمهلي
جاك علمي جاك واكمل مايلي
والـــوعد قـــدام والــدنيا تـــــــــدور




لعلك بخير ولا يجي رجلك العوق
انا فاهم ماقلت ماني بغاوي

الموضوع الأصلي: محاوره بين ثنيان سرور والشاعر حميد معتق | | الكاتب: مرشدالمظيبري | | المصدر: شبكة بني عبس

[ذيب المناخ]

مشكورررررر يامرشد

[(*العرعري*)]

مشكور أخوووي مرشد والله يعافيك

[مرشدالمظيبري]

الله يعطيكم العافية على المرور

[مرزوق العجوني]

صحت اللسنتهم ولا هنت على النقل اخوي

[معلا المظيبري]

مشكورررررر يامرشد

[مرشدالمظيبري]

يعطيكم العافيه على المرور

[العقاد]

يعطيك العافيه على النقل اخوي مرشد المظيبري شعراء معروفين
شكراً