[ناصر بن شري]

--------------------------------------------------------------------------------

ابوتركي:






يامصنت العلم صار وقافياتـه علـوم
والله يستر من العلم الاخير ان حصل
اليوم فوقك براد وبعد بكـره سمـوم
مايصير دارك ربيع ودار غيرك محل



ابورشيد:

الله الله استلم _________




ليا زعلنا ترى مايفيـد حـب الخشـوم
والله لايجيب ياناصـر نهـار الزعـل
البرق يبرق وجوك مردم (ن) بالغيـوم
يا بارق الصيف مدري يا عصير البصل


---------------------------------------------------------------------------------------
ابوتركي:


طيب طيب
استلم



انكان مازعلك هذا ياقوي العـزوم
اليا متى وانت تبغا ترتكي للحمـل
العمر واحد ولابه غير ربك يـدوم
افعل تسماء بعد بكره يامصنت بطل




ابورشيد:

طيب استلــــــــــم طيب طيب... صح لساانك..




الشك مايدخل الا في قلـوب الرخـوم
ولا انت خابرك ياناصر بقول وفعـل
ياليت ناصر يوضح وش حلم من حلوم
هاجوس بالمنتدى صابه بخوف وملل




ابوتركي:




من مايشوفه ويسمع به يطيح ويقـوم
وده يساعد افلان وصاب مصنت ذلل
اخذت جارك جهار وقلت مالي لزوم
طاوعت بالجار يامصنت خبيث العمل


ابورشيد:


هالله هالله استلم ياالعمده




سبحان من غيرك مابين ليلـه ويـوم
عندي علاج الصديع ان كان راسه قفل
لا تنبش الرقم ياناصر بوسط الرقـوم
ما تقطع الوصل ياناصر ولا لك امل



ابوتركي:



استلم




لون رايي ورايك من زمان محـزوم
ماصار ثالث بيوت الدين فيها جـدل
العلم واضح مثل شمس الضحاوالنجوم
انما فهمته الى ذا الحين فيكـم جهـل



ابورشيد:

هالله هالله استلم



ذيب الغداري يميز في دفاع و هجـوم
ويجيب راس الذبيحه فوق قمة جبـل
وبالناس معطى يابوتركي وفيه محروم
والا الكواكب نجوم ودون كوكب زحل





ابوتركي:


استلم بعد انتهت الصلاه




ذئب الغداري نلومه وانت مثلي تلوم
خلا الرعيه بوجه القوم مثل الهمـل
طير السعد تالي الايام عيـا يحـوم
ياشاف بعض الحرار تحوم فوقه جفل



ابورشيد:




الشمع الاحمر على ضرف الزعل ومختوم
يالعمده اللي لسانـك قـام ينقـط عسـل
أمر تدلل على الصوبين وانـت مخـدوم
وراع الظغينه يميز كـان عنـده عقـل




ابوتركي:





اركد ترى البحر يتعب كل رجلن يعوم
وزنك ماعادل ربع ميران شاعر فحل
ماحدن خدمنا تريح لايج الطيب ثـوم
وجيب علمن يشيب من خبره الطفـل




ابورشيد:

استلم استلم




لايظيق صدرك بقا خمسين يوم وتصوم
وزني يغث الكبود ان كان طال الجـدل
الوسوسه جابت لقلبـك كثيـر الهمـوم
اشوي يالجيب مع ثاني يحوشـك دبـل




وســـــلامتـــــكــــــــم

الموضوع الأصلي: ... محاوره بين ناصر خنيفر ....ومصنت الرشيدي | | الكاتب: ناصر بن شري | | المصدر: شبكة بني عبس

[معيوف ابن زهيميل]

محاورة ممتازة بيض الله وجهك ياعمدتنا وجه الشاعر مصنت

[الجحش]

ذئب الغداري نلومه وانت مثلي تلوم
خلا الرعيه بوجه القوم مثل الهمـل
طير السعد تالي الايام عيـا يحـوم
ياشاف بعض الحرار تحوم فوقه جفل هههههههه استرخم

ابيات تتسم بالبعدالدبلماسي

بيض الله وجهك يالعمده انت وزميلك ابن مصنت
تحياتي لكم

[ناصر خنيفر]

ناصر ابن شري بيض الله وجهك على نقل هذه المحاوره بيني وبين مصنت والذي لولاك والله اني ناسيها سلملي على ابورشيد اذا صادفته وقله المقناص انتها ويبي يخطفك الك بطاورق عن قريب
اكرر شكر ي لك اخوي ناصر شري

[سعد الفلاح]

صح اللسان عمدتنا وصح اللسان أخونا الشاعر أبورشيد وتسلم يمنك يابن شري على النقل ولاهنت

[ناصر بن شري]

مــعـيوف

والجحش

والعمده

لاهنتم على المرور

[ناصر بن شري]

ســعـد الفلاح

مرورك
شرف

لاهنت

[عبدالله غانم الرشيدي]

محاورة ممتازة بيض الله وجهك ياعمدتنا وجه الشاعر مصنت