[صلاح مطلق]

بسم الله الرحمن الرحيم


قصيده قلتها بحفل الشيخ /صلحان فلاح بن بدوي- رئيس مركز المرموثه


بمناسبة زيارة رئيس رابطة عبس العالمية- سعادة المهندس مبارك الدويله





بسم عظيم ٍ فوق سبع السموات = ويقرب له المسلم بوقت السجودي



بديت في نظم البيوت الجزيلات = ورقيت في جزل المعاني سنودي



في مدح شيخ الشمل بديار أبانات = ابن بدوي شيخ ٍ عريب الجدودي



جدوده اللي مـــن عصور ٍ قديمات = نصيبهم بالوقت قسم ألأسـودي



أل ابدوي بالوقت ساده وقادات = والهم مع أهل العز قدر ووجودي



شيـــوخ قــــوم ٍ ترتكـــي لثقيــلات = مظابره سقم الخصيم الحقودي



عزالدخيل ولا شكا الجار ميلات = فيهم وفاء واحسان ونخوه وجودي



أمجــادهم وأفعالهم كـل حــــزات = جمــر ٍ تلظا في عيــون الحسودي



أقولها وعنــدي على قولـي أثبات = تشهد هضـاب محيــوه والنفودي



من ساس عبس أهل الوفاء والمروات =قبيلة ٍ بالعــز دايـــــم تزودي



ولايفوتنــــي مدح القبـــائل بلأبيات = كل ٍ عن حدوده لك الله يذودي



واليـــوم بحكم مطوعين الصعيبات = بتوفيق رب ٍ ما سواه معبودي



أل السعــــود أهل الفخـــــر والسيادات = ألأمـــرلله ثم أليهم يعـــودي



وصلوعلى خاتـم جميع الرسالات = اعداد مازار الحرم من وفودي

الشاعر/ صلاح مطلق بن بدوي

الموضوع الأصلي: قصيدة مدح بالشيخ/ صلحان بن بدوي | | الكاتب: صلاح مطلق | | المصدر: شبكة بني عبس

[سحايب]

صح الســـــــــــانك وبيض الله وجهك
قصيده رائعه

[سعد محمد]

صح لسانك على هـذا الأبيات

ويستاهل الشيخ وبيض الله وجهك .

[احمد منيف]

اللهم صلي على محمد { صح الله لسـان قايلها ولسانك } لاهنت

ع النـــقل