[أبو سليّم]

لحظات الوداع ... لأحمد بن جوفان العجمي

قصيدة لحظات الوداع ..!

أكره اللحظات , لحظات الوداع


تسكت وعينك لها , بوح الحروف .!

وإن خفيت الحزن , قدر المستطاع

ماقوت ساقك .. على طول الوقوف .!

ولا يعل القلب .. ف/آخر اجتماع

غير تدري ما ورا الصده , نكوف .!

وانت يامرخي على البُعد , الشراع .!

لا تسلم فرحتي , كف الصدوف .!

ولا تقول إن مالحزني , أي داع .!

جرب الفرقا معا حالك .. و شوف .!

الهجر موجع .. وللبعد إنطباع

يتركك مابين ضيق , و بين خوف .!

كل شي أحبَه بدنياي , ضاع

وكل ذكرى صعب لا مرت , تطوف .!

لا توردني على .. حد الضياع

ولا تخليني , تحت حكم الظروف .!

خابر إن قلبي على الصده .. شجاع

غير في لحظات , تلويح الكفوف .!

طالبك , لامن قرب .. يوم الوداع

لا توادعني .. و انا عيني تشوف .!

الموضوع الأصلي: لحظات الوداع ... لأحمد بن جوفان العجمي | | الكاتب: أبو سليّم | | المصدر: شبكة بني عبس

[رسام الغروب]

صح السانك وعلى اختيارك دحووم تسلم يمينك على النقل لاهنت

[أحاسيس]

ابيااااااااااااااااااااات رائعه يعطيك العافيه

[وريثة المجد]

تسلم ع الابيات الذوق

[سعد]

يعطيك الف عافيه تحياتي للك على القصيد

العطره التي عطرت المنتداء صح لسانك يابو سليم على اختيارك للقصيده

[أبو سليّم]

يعطيكوم العافيه على الردود

المعتاده منكوم يعجز لساني عن الشكر لكوم

الف الف الف شكر لكوم

[سفير الغرام]

تحياتي لك اخ ع القصيده الجميله

احسنت الاختيار