[ذبحني غروركـ]

منت بعلى خبـري تغيـرت يَ هيـه
برد المساء ما عـاد عانق حضورك


ما عادك أنت إياه ولا أعرف ليه
ولا عاد ذا شوقك ولا ذا بشعورك


عنيتني لدرب العذاب ومساريه
وآنا آتعنى في رضاك / وسرورك


لا تسومني دمع الوفا صعب تشريه !!
بأيدك هدمت البيت والسور سـورك


انا هديتك خافقي وأنت تهديـه ؟!
للحزن ، والليل العتيم ، وغـرورك


ترى الهديه عيب تهـدى وتنويـه
[ إن ما آحترمت العهد شـيكون دورك ]


كنت اشتهي صوتك وأحبه واداريه
والحين ما آداني السواليف طـورك


شبيت ضوي في رجا الغنج والتيه
وتشب ضو البعد يَ شين جورك


الفي عليك بشوق وتقول ما فيه
ودك بوصلي بس يَ كبر امورك


اللي بقلبي من غلا خذت باقيه
رده علي تكفى أو إكفه شرورك


لا وا خساره يَ فديتك ولبيه
نهيتني يا قلب .. مـا طعت شورك


يا مجرم جروح الغيـاب بـتماديه
وقع على صك الوداع بـ حضورك


اهديتك الدنيا / وقلبي / و ما فيه
ولا أنت تهديني خطاك وزهورك


وسلمتك زمام الهوى والمشاريه
وأنت تحفر لجروح صدك قبورك


احيّه من جمر انتظاري و يَ آحيّه
لا ذكرّتني بالمحبه عطورك ؟؟


يسقيك يَ ذاك الغرام و لياليه
وابكى غرامي فيك وأبكي شعورك


تضحك معا قفاك لكن معليه !
أصبر على الايام و يجيك دورك

الموضوع الأصلي: تضحك معا قفاك لكن معليه !أصبر على الايام و يجيك دورك | | الكاتب: ذبحني غروركـ | | المصدر: شبكة بني عبس

[أمـــير بـكلمتي]

كعادتكـ في الابداع ... سلمتِ على اتلنقل
وصح لــسان قائلها

[عايد2001]

صح الله السان شاعرها
وشكراً لكِ على الاختيار الذوق

[ذبحني غروركـ]

الله يسعدكم يارب..~
نورتوا

[عز و مهابه]

روووعه ربي يسعدك

الذووق مايجيب الا الذووق

[احمد منيف]

لا تسومني دمع الوفا صعب تشريه !! بأيدك هدمت البيت والسور سـورك انا هديتك خافقي وأنت تهديـه ؟! للحزن ، والليل العتيم ، وغـرورك

الله يعطيج العافيه ع النقـل الرائع مشكوره

[راسبه بالحب]

سلمت الايادي


روعه

[ذبحني غروركـ]

الله يسعدكم يارب..~
نورتوا