[الاجهر]

بسم الله الرحمن الرحيم
السلام عليكم ورحمة الله وبركاته
اليوم نتخت لكم قصيده للشاعر / ضيدان بن قضعان
---------------
ياوجودي كل ماهب نسناس الشمال =
وجد من حدّه زمانه على اللي ما يبيه
وياوجودي كل مااغفيت ثم مال الظلال =
لاغفت عيني ولاذقت شيٍ مشتهيه
وجد من قفّى وهو في رجا كلمة تعال =
والتفت من عقب مااقفى ولحدن لدّ فيه
وياعذابي لادنا الليل من روس الجبال =
وانتهى يومٍ من العمر ماعاد ارتجيه
وانتي ابعد من سما الحلم ووصالك محال =
يابعد من هلّ دمعي ضحى الفرقا عليه
ياغناتي لاتحسبين دمعي يوم سال =
ضعف والاّ خوف والاّ كذا والاّ كذيه
والله اني من رجالٍ يضدون الرجال =
لكن الحظ الردي ساق دمعي كلبيه
ووالله اني كل مادار حوليك الجدال =
قمت كن الموت يشر على قبري يإيديه
ووالله ان قد لي وانا اصد لاجالك مجال =
صدّت اللي لاتضايق تذّكر قبر اخيه
ومن سألني قلت مدري واذا عاد السؤال =
قلتله تكفى سؤالك ترى ماهو وجيه
وش تبيني اقول عماََ ترى ذبحي حلال =
والخطا منها علي صرت احبه واهويه
عذرها لو ماتعذر مثل واضرب مثال =
واحدن مايعرف الحر الأشقر يشتويه
وان رجعنا للتواصيف لله الكمال =
لا انتهى ليل المزايين جاتك تبتديه
كنها غفلٍ مع البدو طاويها الحيال =
ما يميز وصفها الاّ نبيهٍ من نبيه
واهني اللي وصلها وذاق امن الزلال =
رشفةٍ مع غفلة الناس من فيها لفيه
واعزتي للي سواتي عشق ما لا يطال =
ويوم طاله ضيع الحلم بين أمه و ابيه
يااول احلام الطفوله على حد الخيال =
الرجا بللي حمى البيت من حملة بريه
حال دونك سيف عنتر وتاسع حول حال =
باثر حولٍ حال دونك وانا ادعي هيه هيه
هيه يللي غرك الحسن واطغاك الجمال =
والله ان اموت ماشفت لاوصافك شبيه
لو يسام الحسن والتيه بجنيه وريال =
مابقى في سوق غيرك لا ريال ولاجنيه
كيف اهدك للمقابيل وانتي راس مال =
راس مال ومال والماال مايعطى السفيه
حافظك حفظي لعيني ورمشي لك جلال =
وانتي تشحّين بالما وانا شفّي مويه
شايفن ظلمك وساكت وطال الليل طال =
لاتركتي طعن قلبي وانا ماقلت ليه ؟
لو بقا للهيل صبرن على فوح الدلال =
مابقى للقلب صبرن على شيٍ يجيه
كنت احسب ان الغلا زال واثره لايزال =
في الحشا ماكنه الا دخيلٍ في وجيه
ساقني حبك على الموت وسنيني هزال =
والظروف اقسى من الظلم للعرض النزيه
وانتي تسوقين عقلي على حد الهبال =
تحسبين ان من بغى شي يقدر يشتريه
والاّ انا ياوجد حالي وجودن مايقال =
وجد من ضحى بغاليه لرضا والديه
وياوجودي يااول العمر قبل ألبس عقال =
وجد من باع آآخر العمر في رغبة ذويه
وياوجودي كل ماهب صوتش من شمال =
وجد من حدّه زمانه على اللي مايبيه

ضيدان بن قضعان

وسلامتكم

الموضوع الأصلي: ياوجودي كل ماهب نسناس الشمال | | الكاتب: الاجهر | | المصدر: شبكة بني عبس

[احمد منيف]

وانت سالم معروفه القصيدة ومايحتاج يابعدي صح الله لسانك ولسان قايلـها لاهنت يالذيب :)

[ابوثـامـر]

مشكور غلى النقل وصح السان شاعرها

[الاجهر]

اقتباس من مشاركة احمد منيف الرشيدي وانت سالم معروفه القصيدة ومايحتاج يابعدي صح الله لسانك ولسان قايلـها لاهنت يالذيب :)

تسلم ياغالي صح بدنك

[سحايب]

سلمت ولاندمت
صح الســان ضيدان
وسلمت يمناك على هالنقل الرائع
قصيده جميله ستمتعنا بمفرداتها العذبه
يعطيك العافيه ولاهنت,,

[الجابر]

مشكووووور والله يعطيك العافيه

[رسام الغروب]

صح السانك مشكوووووور والله يعطيك الف عافيه

[الاجهر]

اشكركم جميعاً على المرور والتواجد الرائع بكم تحلا المشاركات تحياتي