[راسبه بالحب]

شبيت نــــاري واحتضنـت المعاميــل
وجبـــت الدفاتـــر بيـن نجـرٍ ودلـــــه

فيهـا قصــــايـد بالولــــه والغرابيـل
ذكــرى عشـــيرٍ جاب لـي الـف علـه

وابطيت انا اقرا وش جرى بالتفاصيل
يــــوم ان قلبـــي حطـــه العـام خلـه

يــــوم انـه اللـــي للمحـــبـه تماثيـــل
مـــالــد عـنــه نـاظـــــر القـلــــب لله

لــو غاب عني لحظـةٍ سرمـــد الليــل
والقـــى ثــوانـي غيبتـه جمـــر ملـه

وان جاني انسى لوعتي والبهاذيـل
وانســى بأنـــه سبـة الجـــرح كلـه

كنــه طبيبٍ يقطـع بمشرطـه حيـــل
وبكفـــه الآخـــر يخـيـــط بمحـلــــه

يجرح يداوي شاهدي نجمـة سهيـل
يامـا سناهـا وســــط دمـــعٍ اهلـــه

ذيك الجروح اللي لها الخافق يشيـل
ماانسى مــن اللي جابهـا وانتمنلـه

والله لاادعــي جعلهـا لـــه تساهيـل
دنيـا حياتــــه ويــــن مـابـان ظلـــه

رح بالسلامه كان قلبــك نــوى ميـل
وكـل علـى ماقيــــل كيفــــه يــــدلـه

واترك جــروحـــك والعـزا بالمقابيـل
عــــل الزمـان يبــدل الحـــال علــه

نفســــي عزيــــزه ماتبـاع بمكاييـل
مارضـــى عليها من صنـوف المذلــه

واختم قصيدي بالنصيحـه مساديـل
تسدل على اللي خالي القلـب جلــه

لاتحــسب ان الحــب بـنٍ علـى هيــل
تحـــمس وتطبـخ وان بغيتـه تــــزلـه

انا اشهد انه لامسك بـك مـــواويـل
تشقــى بلحنهن قلبـك اللـي يشلــه


منقول

الموضوع الأصلي: شبيت نــــاري واحتضنـت المعاميــل | | الكاتب: راسبه بالحب | | المصدر: شبكة بني عبس

[مرآهيش]

مشكوووووور والله يعطيك الف عافيه

[خاتم الرشيدي]

صح السان شاعرها

[سحايب]

الله عليك قصيده رائعه
احترت في الاختياربين
ابياتها كل بيت يصفق
لما قبله جمال
صح السان شاعرها
وسلمت يمناك على النقل

[¤ نـبـ الـخـفـوق ـض ¤]

راسبه

تسلم الايااادي لا هنتي

على الاختيااار الرائع

[راسبه بالحب]

الله يسلم الجميع نورتو الصفحه


لاعدمنا طلتكم

[وسام عبس]

كـلمـآتـ رآئعــہ
صـحـ لسـآنـ شـآعـرهـآ وسـلمـتـ يـمـنـآگ آلذهـبـيـہ عـلى نـقـلهـآ.!
دآمـ حـرفـگ ../وسـلمـ قـلبـگ..
لكــ آلود وعـبـقـ آلورد ..،
/

[راسبه بالحب]

وسام نورت الصفحه


لاخلا ولا عدم