[رويشد بن ثاري]

بديت بسم الله على كل شيطان=حيث(ن) بسم الله يغيض اليهودي
ومن بعدها تسمع خبر كاين(ن) كان=بمجاد عبس بمضيات العهودي
يوم المعارك بين رابح وخسران=كلن على حقه يشب الوقودي
لاثار فيها الكون واشتب نيران=نارد حياض الموت مثل الاسودي
دون الحقوق انموت في كل ميدان=مال المعارك غير قدح الزنودي
ماهمنا من كان مخطي وغلطان=والي بدئ بالشر يلقى الردودي
يلقى ثمن ماكان ناوي وطمعان=ردت فعل يبطي وهو مايعودي
نارن تفجر بين صالي وبركان=ومن دون درب الحد غصب امحدودي
حنا بوقت العسر واليسر شجعان=وقت السعه والضيق حنا نسودي
حنا زباينها ليطار دخان=نار المعارك ثم قامت تزودي
نروي ضما من كان ضامي وعطشان=انزود ماننقص ونبقى صمودي
وعدونا يقفي وهو غصب ندمان=ماحاشت يدينه كسايب وفودي
حصل المنافس بين عنتر وذبيان=سبت مسابق خيل راحت جدودي
من عقب ماكانو جماعات واخوان=تفرقو والله مثل فرق النقودي
وجونا جيوش الترك من كل الاوطان=كلن يقول الدار والذود ذودي
وحل الدهر واقفو بني عبس قطعان=الي رحل والي بقى بالحدودي
تنزلو مابين دسمه وخيطان=دار الكويت معربين الجدودي
واليا مصر وحدود كسلا وحلفان=تنزلو ربعي بهاك المهودي
وحنا بقينا رغم صكات الازمان=ومن دون هاك الحد نبذل جهودي
ورد(ن) على من كان حاقد وزعلان=الي يخم الهرج مثل الهبودي
الي يقول العلم من دون برهان=تزوير بعلومه علينا حسودي
ماكن بالدنيا ترى غيرنا انسان=وكنه علينا بالكلام امحدودي
حنا هل الوقفات ذربين الايمان=وقت الشدايد مانحب الشرودي
بني رشيد مطوعت كل فسقان=كم واحدن منها بوسط الحودي
نعم رشيدي من بني عبس غطفان=من قيس ابن عيلان شجرت اجدودي
جاريت ابن مربح وسطرت قيفان=وتم الكلام الي عليه الشهودي

الشاعر/ رويشد بن ثاري مرزوق العويمري الرشيدي

الموضوع الأصلي: مجاراتي لشاعر عبس/عيد بن مربح | | الكاتب: رويشد بن ثاري | | المصدر: شبكة بني عبس

[بن هادي الرشيدي]

صح لسانك وأعتلى شانك يارويشد.

[رويشد بن ثاري]

مشكور اخوي ابن هادي ولي قلناه بسط في حق القبيله اشكر علا الرد

[ابو شرق]

مشيت درب العمالقة ولست قزم

[المر الصعب]

قصيدة تستحق التثبيت وتنزيل في قوقل اشكرك ياثاري شاعر مبدع

[رويشد بن ثاري]

اشكر الجميع علا المرور والرد وترقبو الجديد

[ذرا عبس]

صح لسانك ولافض فوك ولاعاش شانؤوك
مشكوور ولاهنت

[رويشد بن ثاري]

لرفع لرفع لرفع