[حامد الحنيفان]

عزالله اني يالمقوعي ترديت = لو جيت ابا امشي ماصمدني عضامي
ياوجد حالي كل ماصبحت وامسيت = طروا عليه محتمين الجهامي
تراي معهم يالمقوعي تقهويت = واليوم عنهم غاديات العلامي
ادليم مع علوش وحميد وان جيت = نعم انبهم وان جاء نهار الزحامي
ماهي سوالف مكثرين الهرابيت = لطار عج الخيل مثل العسامي
اهل البويضاء ياالرجال الزناتيت = يردون حوض الموت ورد الضوامي
جيابت البل ياالرجال الصواميت = من كل ديره شامخات السنامي
الياجاء نهاراً شين مافيه تلافيت = القفش يجدع واشهب الملح حامي
والهرج ماينفع بليا تثابيت = واللي بحل ينشد فهام الكلامي
الشاعر/ سعود حنيفان العويمري(رحمه الله)

الموضوع الأصلي: ادليم مع علوش وحميد وان جيت | | الكاتب: حامد الحنيفان | | المصدر: شبكة بني عبس

[سحايب]

صح الســـــــــــــان الشاعروالله يرحمه
وصح ذوقك واختيارك