[عادل الشويلعي!!]

بسم الله الرحمن الرحيم
السلام عليكم ورحمة الله وبركاته

هذي رديه بيني وبين الشاعر والصقار ابو فايز الحربي
8/9/1431وكنا في ذيك الايام نتحرا طلوع سهيل اليماني

فقلت.. مادام طيري تمت امواسه بخير = تراء الوعد باول طلوع اليماني
هذي رساله تعم كل الصقاقير = اللي لهم عندي مقامن وشاني
بعشرين تسعه ناوي اطلع الطير = ودلهه بااخر ليال ارمضاني
وبالعيد الاول للحماده مسايير = واللي يتوجه للحماده لقاني
اهد وادعي واتونس مع الطير = هذي الحياه وتالي العمر فاني

فرد ابو فايز..
هاض الضمير وهيضته التعابير = يوم الرشيدي صاغ زين المعاني
بيوتن هدفها بالحرار البواتير = اللي غلاها حل بين المحاني
واقول ياعادل اكفيت العواثير = اسهيل باقي له ليالن ثماني
فكه من المربط وغير له السير = وشيك على جيبك تراء العلم حاني
والله وعدكم في ليال المعابير = بالديره اللي مامشاها الهداني

وسلامتكم

الموضوع الأصلي: رديه | | الكاتب: عادل الشويلعي!! | | المصدر: شبكة بني عبس

[عيسى محمد]

عادل الشويلعي

بيض الله وجيهكم انت وابوفايز
وصح الله السنتكم ملايين ولايكفون
وقصائد جزله من شعراء اجزل

[عنتر زمانه]

صقار بهذا العمر الشبابي يا عادل

الطير ولع وهوايه تأخذك بعالم ثاني

قد تمقنصت مع أهل الطيور مره بالعمر وصراحه متعب أذا لم تجد ما تهد طيرك عليه

بس ابشرك في آآآآخر النهار حصلنا كراويل ورثع فيهن سلطان طبعآ أسم الطير سلطان

وقصيده رائعه وقالها واحد مشتاق للقنص

الله يوفقك بس هاه ماقلت لنا لقيتم حباري كراويل بشر

[عادل الشويلعي!!]

عيسى محمد مشكور وبيض الله وجهك

عنتر زمانه الله يحييك ومرورك شرف
اما هوات الصقر فهي تجري بعروقي وانا وارثها من اعمامي ووالدي
حفضك انت وياهم الله
اما الكراوين ابشرك واجد بالحيل وتنزيل الصور قريب انشالله
اما الحباري ذكرهن واجد وانا والله ماشفت شي وبكره انشالله
طالع للمقناص واوافيكم بالاخبار

دعواتكم\

[احمد سبيتان]

صح الله لسانكم وبيض الله وجيهكم

على القصايد

[عادل الشويلعي!!]

صح بدنك يابو سبيتان
ولاهنت على المرور الجميل