[أبو غيث]

بسم الله الرحمن الرحيم

هذه قصيده أهديها لأبناء العمومه عامه.وأتمنى أن تنال جزءاً من رضاكم لأنه يكفيني!!!وشكراً

(أهل الطيب)

الطيب يا هل الطيب يوم الحكي طاب
الطيب حاضر يوم تنشد قدمها
من ماضي الأزمان والطيب ما غاب
كان الزمن يجهر عن اللي كتمها
الطيب فينا مدرسه مالها كتاب
تاريخ قبل الكتب يكتب قلمها
طلاب تدرس سلم الأجداد طلاب
ودروس قبل الحفظ كلن فهمها
نرفع علمنا براية العز منهاب
الرايه اللي ما تنكس علمها
درب الجماعه مالنا عنه مجناب
درب السنع كل النشاما لزمها

نمشي على حسن المبادي ولآداب
في درب كل اللي مشاها احترمها
ما نطرق الطاقه ولا نسمر الباب

رجلين تعرف وين تاطا قدمها

تحفظ كرامة جارها حفظ لا غاب
في غيبته ما كنه ألا حرمها

رجال تعصا الغدر في كل الأسباب
وتطيع في كل اللوازم ذممها
ما بينها وبين العلا حجز وحجاب
أرجال ماتنزل وتترك قممها
والعين تنظر للكرم نظرت اعجاب
في ربع ما تعطي وتبدي ندمها
تعطي ولا تحسب عطا الخير بحساب
تسهم بنشر الخير ويربح سهمها
ناس كريمه وللكرم ربع واصحاب
ناس كريمه تستحي من كرمها
نعم رشيدي بالعطا أكيد غلاب
يعطي ولو لقمته قام وقسمها
هذي الحقيقه ما بها نزع وطلاب
دام الزمن يشهد ويكتب قلمها
وختامها صلو على سيد الأحباب
كسبان من صلى عليه وختمها

الموضوع الأصلي: الطيب فينا مدرسه مالها كتاب..تاريخ قبل الكتب يكتب قلمها | | الكاتب: أبو غيث | | المصدر: شبكة بني عبس

[ولد عبس الرشيدي]

صح لسانك يابو غيث

والقبيله تستاهل والله

[شداد المظيبري]

صح لسان شاعرها
تستاهل القبيله المدح
لاهنت عاى النقل

[أبو غيث]

ولد عبس...شداد المضيبري

يعطيكم العافيه على المرور (نستاهل وتستاهلون)......

[خالد العجوني]

صح السانك على القصيدة الجزلة

تقبل مروري

[أبو غيث]

تسلم ياخالد ومشكور على المرور والتعليق...

[عبدالله معزي]

صح لسانك وعلى شانك
تقبل مروري

[مروان الرشيدي]

بيض الله وجهك يابو غيثثث



قصيده وافيه ومافيك حيله



فالك البيررق



وصح السسانك مدد

8
8
8



طلاب تدرس سلم الأجداد طلاب
ودروس قبل الحفظ كلن فهمها