[مرهفة المشاعر]

بنظرتكـ حبيبي
تسترق أغاني الحب سمعي..!
وتعيش خلجات الشوق صدري..
فتكتحل عيناي حباً
وتتعطر أنفاسي حباً..

بنظرتكـ حبيبي تعطيني عمراً..!!تتراءى إليّ أوراق الزيزفون
تداعب شعري
ويسكن بصري..
وأراكـ تأتي لي وتقولي:
كنت أعلم بوجودكـ هنا..!

صدقوني.. آنه منه..!


انتظرت أياااام..
أرسم الأحلام..
خافقي مانام..!
يأرقه طيفه..!
يتعبه بكيفه..!
"ويني منه؟" "ويني عنه؟" "آنه منه؟"

أمثله
وأمثله
وأمثله.. بفكري تجول..!
أسئله
وأسئله
وأسئله.. عندي تدور..!
أخيله
وأخيله
وأخيله.. ترسم سطور
تنقش إحساس.. تحكي شعور..!
هويحبني ومحتويني..؟
مااهمه..؟ مايبيني..؟

إيه آحبه.. إي نعم..!
آنه منه..!
قطعة منه
لوأغيب شوي عنه..
انسجن خلف قضبان العدم..!
لو يجردني منه..
ينتحر قلبي ويعيش بألم..!
احنا روحين بقلب انقسم..!

آنه منه..
آنه منه..!
ابتساماتي
ضحكاتي
خصلاتي
كلي منه.. كلي منه..!
جفني وسني وفني.. كلي منه..
عطري وزهري
شوقي بصدري..
كلي منه.. ويني عنه..؟
دونه ماآحسني
وآدورني منه..!
وبس ألقى..
بس ألقى.. للشوووق ونّه..!

آنه منه.. آنه منه..!
كلي دمــــــــــــــع
ومالي وجنه..
إن بوصله قد حرم..
إن ببعده قد ظلم..!
دونه آنه مو معاي..!
أركض وحزني وراي..!
شوقي مايقتل سواي
بلا سلاح وبليا دم..!
تنتهي دنياي
ويغرق العالم ندم..!
بكل حسره .. بكل ألم..!
آنه منه..

إيه آحبه.. إي نعم..!
ماهو احساس ولاعدم..!
مايحبني..! بس كأنه..
خلني بسأل عنه ظنه..
قلبي جاوبني وتمنى:
((كلي منه..
أسري بفكره ودمه
أجري بشعره وفنه..!))

إيه آحبه.. إي نعم..
لو أقول مااحبه
أو مااحبه
قلبي على روحي تجنى..!
آنه منه..

آنه منه.. آنه منه..!
بس معاه.. عمري جنّه
بيتي حضنه..!
أسكن بعينه وجفنه..!
عمري بعده بلا طعم..
آنه منه..
صدقوني آنه منه..

آنه منه..
ماتخلى.. ماتسلى.. ماتغلى
آنه منه..
كيف يمنعني عنه..؟
كيف يجبرني إنه
أسمع إسمه
وألقى رسمه
وماآتهنى..!
كيف يجردني منه..؟
قد سمعتوا إنسان
ينزع روحه عنه..!؟

آنه منه..
يرتعد قلبي بدونه
دون نظراته الحنونه
دون كلماته وجنونه..
ويكتمل بعضي..!
وينتعش نبضي..!
لو سمعت..
بس سمعت.. جوالي يرنه..!
آنه منه..

آنه منه..
ألفظ أنفاسي
أعتزل ناسي..!
لو أغيب شوي عنه..!
صدقوني آنه منه..
كلي له وكلي منه..!
كلي .. ودقة خفوقي..
وعمري.. ونبضي.. وشوقي..
كلي منه..
والحقيقه إني منه..!
والمصيبه إني منه..!
صدقوني آنه منه..

الموضوع الأصلي: بنظرتكـ حبيبي | | الكاتب: مرهفة المشاعر | | المصدر: شبكة بني عبس

[ميلاس]

كلمممممآإت في قمة الروعه ..

[بنت عز ماتنهز]

كلمااااااااااااات قمة الذوووووووووووق

[مرهفة المشاعر]

ميـــــــــــلاس منوره يالغلا

[مرهفة المشاعر]

بــنت عز منور ه يالغلا

[آهــذريــبــك]

خآطره رائعه

وكلمات متناثره ومعبره عن حس اختيارك

/

كلك ذوق يالغلا

[مرهفة المشاعر]

حـــــــــــــاكم...منور يالغلا بوجودك

[الرساله]

وكلمات متناثره ومعبره عن حس اختيارك

/

كلك ذوق يالغلا