[رفيق الدرب]

متوقعـة منهـا غير كلمــة تعـال ... يوم راح الـكثير ولأبقـى ألا القليل

وجت تقول انسني ورتاح يابن الحلال ... مسـتحيله وجـت تطلبني المستحيل

جادلً ربي أعطاها الحـلا والجمــال ... مايشابهه محـاسنها الجميله جـميل

البحر لووطـت في مـاه يصبح زلال ... قبلهـا حـنظليل وبعدهـا سـنسبيل

والقمـر من يقول انه مايصبح هلال ... لـو يرى غـرةً بين النحروالجـديل

جت تقـول انها تبا تشـد الرحـال ... وقلت كم يوم باقي عن نهـارالرحيل

يوم قـــالت ثلاث أيام وأربع ليال ... اندهشت وطفشت وقلت صـبرً جميل

وقـلت هاذا الكـلام أكيد ولا احتمال ... قـالت أكد من اللي مايبي له دليل

قلت من قـال لك قـالت كـلامً يقال ... لكن اصدق من اللي قيل واللي مقيل

لكـن عـاد اعتبرني مثل سابع محال ... قلت ونا اعتبريني مثل عـابر سبيل

بس مـايقطع الآمال قـطع الوصال ... ولا يزيد الغــلا غير الفراق الطويل

وكـل شـيً مصيره للفـنى والزوال ... أمـا حبك لا واللـه لا يمكـن يزيل

أذكرك كـل ماهب الهوى من شمال ... وأذكرك كـل مامريت هاك النخيل

وعشق الطيف من شانك لو انه خيال ... لكن الموت كـان الطيف مثلك بخيل

ويوم قالت: فمان اللـه والدمع سال ... اختلط دمعها مـع كحل طرفً كحيل

وعقب ماهي قريبه دونها البعد حال ... والشهـر عن سنه واليوم دمه ثقيل

يااللـه اني دخيلك ياعظيم الجـلال ... انحـلت حالي الفرقى وانأ أول نحيل

وقربهـا ماتهـيا وحبهـا مـايزال ... والأمل مفقدته لأكن أصبح ضئيل

الشــاعـــر/ مســاعد ســالم هليل الرشـــــيدي

الموضوع الأصلي: الرحيل :للشاعر مساعد سالم الرشيدي | | الكاتب: رفيق الدرب | | المصدر: شبكة بني عبس

[ابن شلال]

الله الله والله على بالي القصيدة لمساعد ربيع لين قريت الاسم بالاخر...استمتعت بقرائتها ولا فيك قصور عن ابن ربيع صح لسانك ولا تحرمنا جديدك

[عادل الشويلعي!!]

صح السانك قصيده جميله

[سند الداموك]

قصيدة جدا راائعه

صح لسان شاعرها

وتسلم

[البعيد الهادي]

صح السان الشاعر
واحسنت النقل

[سعد عبدالله]

صح لسانك
اعجبتني للغة الاثاره بالقصيد

[مذكر الرشيدي]

صح لسانك قصيدة جزله من شاعر تميز بجزالته

[رفيق الدرب]

شاكر لكم جميعا


تحياتي لكم