[سيف العز]

في وقت من البطا وبليل ضاقت شياطينهـ
بعد شفت الظلام ينزع من ثياب المسا ثلثين

تحايلتي المنام اللي مثل بيتكـ تمرينهـ
وانا اللي من تفارقنا وانا ما غمضت لي عين

غريب كل حلمي مر في رقادي تزورينهـ
والاغرب كيف احلم الحلم وارجع واحلمهـ بعدين؟؟

قبل يومين شفتكـ في المنام وقمت من حينهـ
ونمت امس ورجع نفس المنام اللي قبل يومين

انا اللي قبل اسافر شلت قلبي من شراينهـ
تركتهـ في ايدكـ مثل الامانهـ واحفظيها زين

ترى حفظ الامانه دين مجبورهـ تردينهـ
اجل ما في احد قد قالكـ ترى حفظ الامانهـ دين

مرد المقفي بيقفي ويستوفي وتوفينهـ
بعد ليلهـ,ثلاثهـ,اربعهـ,عشرهـ,شهر,شهرين

اذا انتي ما انتي بقد الكلام الي تقولينهـ
حرام استأمنكـ حاجه واذا جيت اطلبكـ تنسين

تخونين وتبين ارضى واحد يرضى تخونينهـ
انا لا جيت اخونكـ مع حبيبهـ ثانيه ترضين؟؟


من اول مارجعت من السفر ما شفت لكـ بينهـ
وانا اللي كنت احسبكـ قبل ادوس ارض المطار تجين

تكونين انت اول شخص عيني تحتضن عينهـ
وكنت اتخيلك من زود فرحة رجعتي تبكين


واشوف بدمعتكـ حكيكـ واعرفهـ قبل ما تحكين
واجيب احلى من اللي بتحكينهـ واترككـ تحكين

تقولين الوطن نور واقول بنور مضوينهـ
تقولي لي غديت احلى واقول عيونكـ الحلوين

كلام نام بشفاهكـ وخفتي لا تصحينهـ
ذخرتيهـ الغرام اللي ينام ويترككـ تصحين

تغانمتي غيابي لين رجحتي موازينهـ
تعلم من ايدكـ لمس الكفوف وعلمكـ تجفين

وليتكـ لاقيهـ شي فيني ما تلاقينهـ
ماهو بغرور لكن خابركـ مالكـ امل تلقينهـ

تغافلتي بغلا والا الحلى ماهوب من زينهـ
تزينهـ الصور والا الصحيح ابن الحلال زوين

انا ماني بناقص عنهـ يوم انكـ تبدينهـ
نصيب هو نصيبي لو يسددها من الصوبين

قنوع بمظهري والسم ما يذبح ثعابينه
على قول المثل ماني حلو لكن ماني شين

اذا اهداكـ الزهر مرهـ فأنا اهديتكـ بساتينه
واذا ألهاكـ بفرح ليله فأنا تهت لبكاكـ سنين

واذا استضعفتكـ املاكهـ وشتتكـ ملاينهـ
انا حتى فتات الخبزهـ اقسمها معكـ نصين

طموحي بس اجي واظفر بشي تستحقينهـ
تدينتهـ..تسلفتهـ..سرقتهـ.. مو مهم منين

كأني من كثر ما ارضى بكل اللي تمنينهـ
لو انكـ تطلبين الله يعنيني بقول آمين

انا ما العب على الحبلين وقت الطيش وسنينهـ
تبين اللحين يوم اني كبرت العب على الحبلين؟؟

ترى عند البدو بالذات عيب اللي تسوينهـ
حلاتكـ لاعشقتيني تعشقيني ليوم الدين

غرام نسكن ضلوعهـ حشيمهـ من مجانينهـ
جفا يجمع معزتنا ولا عشق يذل اثنين

كثار اللي تحدوني وقالولي تحبينهـ
امانهـ لاتخليني صغير في عينهم تكفين

لاني كل ما قالوا تخون قلت:مسكينهـ
عليكـ الله وامانهـ علميهم من المسكين؟

انا خايف الا طاح الجمل تكثر سكاكينهـ
وانا ما عادت ضلوعي تحمل طعنة السكين

مثل ما قالوا: المكتوب واضح من عناوينهـ
لو ارحل منكـ للغربهـ بسافر من ظلامكـ وين؟؟

كفايه كل حلمي مر في رقادي تزورينهـ
كفايهـ من تفارقنا وانا ما غمضت لي عين

قبل يومين شفتكـ في المنام وقمت من حينه
ونمت امس ورجع نفس المنام اللي قبل يومين

الشاعر/ حامد زيد

الموضوع الأصلي: ترى عند البدو بالذات عييب اللي تسوينه | | الكاتب: سيف العز | | المصدر: شبكة بني عبس

[وريثة المجد]

قصيده مميزه
من افضل ما قرأت

يعطيكـ العافيه