[توني بلير]

السلام عليكم ورحمة الله وبركاته

اللي عنده تحليل وتعليق لا يتردد نتقبل النقد والتحليل سواء كان صحيح ولا كان خاطئ كل واحد له وجهة نظر


توني بلير

سلام تسليمة وفا يقولها توني بلير=للمسليمن اللي تحفظ الحق والمخرج ملي
توني يهني في قدوم الشهر والدنيا بخير=الله الوالي ولا غير الله الوالي ولي

وضاح

ماخبر نصراني يسلم لا تلو الوضع غير=واليا جهلت العلم هذا فالضواري فاسالي
هن النصارى والمسيح بدينهم ياخو منير=وسنت نبي الله محمد منت فيها موكلي

توني بلير

لو كنت مسلم كان رديت السلام المستنير=أعلنت أسلامي ولاني تابع ال شيعه علي
سلم على عنتر وقيس ومالك وعمه زهير=في جنه الرحمن ولا في جحيم(ن) تصطلي

وضاح

أبك السلام اللي يجي من شخص معدوم الضمير=ما نقبله مهما حكى توني بلير النخولي
ماني مراسل عندكم واللي كتبه الله يصير=انا يماني من سلايل عبس ديني حنبلي

توني بلير

يا عسكري أضبط مسيرك لا تخبط بالمسير=الخط سيده ماش تحويلة وكمل ما يلي
وضاح شال الحمل والتخزين والسيف الشطير=سلم على شمر وصبح يا عرب ديرة بلي

وضاح

العسكريه مرجت قلبك بها تهذر هذير=وانا معك بالخط حتى في رقاقه تنزلي
حنا نشيل الحمل يومنه على مثلك عسير=وما السلام انته موكل فيه مقفي مقبلي

توني بلير

توني يشوف انك عمى يا عايش(ن) دور البصير=الله يعين القلب لا صادف مريض معلعلي
شعر العرب ما غير وكذب وفسق في مدح الامير=وراك ما تمدح بلير اللي يقول ويفعلي

وضاح

أرفع رفعك اللي بحكمه يجبر العظم الكسير=خل البيوت الطيبه مع بعضها تتسلسلي
حنا مدحنا اللي تذرينا بييومن قمطرير=ولانت تولع نارها بالحرب حتى تاكلي

توني بلير

ما هي معيبه كان ما تعرف تدور لك شوير=العيب كان الراس دربيته كما راس الطلي
فكينا دار الكوت من يد الحقير ابن الحقير=ولا انت كنت مشجع(ن) للغزو له وطبلي

وضاح

حنا نشاور ربعنا والامر الاخر للقصير=الله يعز أخوان نوره طيبهم ما ينجلي
والله يالولا النفط لذب العرب وسط بير=مافيك رحمه دايمن دمك على العرب يغلي

توني بلير

عزالله انك ياليماني بالعرب نفاخ كير=أخوان نوره تشتكي من نكبتك يا مهلهلي
أعلم نظام الوقت والتوقيت بيدين الخبير=لا تسابق الوقت الجديد ان كان وقتك يمهلي

وضاح

مع السلامه ماعمر صاحي مشاله مع ضرير=انا انتهيت ويا عس تسلم وعلمك مللي
وارج السموحه من صفوف اللعب والجمع الغفير=نبغا نختمها لحتى خصمنا ما يزعلي

الموضوع الأصلي: توني بلير وضاح اليمن | | الكاتب: توني بلير | | المصدر: شبكة بني عبس