[ذبحني غروركـ]

فراق .. وكانك تبيـه .. فـراق بفـراق
بس أحترم لحظـه الفرقـى .. ومعـذور
لاتتهمـنـي .. وتطعـنـي بـالاخـلاق
مسموح في كـل حالاتـك.. ومشكـور
خل الخفايـا .. وخـل اللـي بالاعمـاق
تبقى بالاعمـاق .. والمستـور مستـور
ياصاحبي .. والهـوى لـو فيـه ميثـاق
ما عشت فـي عالـم الحرمـان مقهـور
حنـا أنتهينـا.. وهـذي كــل الاوراق
قم شقهـا .. مـا بقـى للحـب دستـور
مثلت دور الحبيب .. وعشـت الاشـواق
في مسرحيه هـزل.. وابدعـت بالـدور
ما كنت مخلص لمحبوبـك .. ومشتـاق
بالعكس .. كنت متجاهلنـي .. ومغـرور
عرضتني للهبـوب ..ونشـف الاريـاق
وقصرت فيني ..وانا ماجيـت بقصـور
والحين .. ذق لوعة الفرقـى والاخفـاق
وجرب شعور الندم لاصـرت مهجـور
النفس طابت .. ونامت حمـر الاحـداق
اللـي سهرهـا مخاويهـا مـن شهـور
كرامتـي بالليالـي السـود .. تـريـاق
والعز .. يبقى لقلـب العـز .. دكتـور
الصبر.. لو كان طعمـه مـر .. ينـذاق
طعم المـراره .. ولاالحقـران والجـور
والضيق .. مهما كبـر بالصـدر ينطـاق
للضيق ربـي خلـق للعالـم .. صـدور
والدمع .. لو كان وسـط العيـن حـرّاق
يغسل عيوني .. ويبـري مشّـة الـزور
والهجر .. لو كان دربـه يتعـب السـاق
مانيب ميّت ظمـاء .. والقـاع ممطـور
والصدق .. لو ينعرض في وسط الاسواق
كلن شرى له ضميـر وقلـب وشعـور
والحب .. مهما أنطعن مـا زال عمـلاق
يضحك على طعنة الاقـزام .. والـزور
والشعر .. يبقـى نديـم القلـب لاضـاق
ماهو مجرد حـروف .. وعـدّة سطـور
شفني وانا أقطف مـن الاعـذار مـا لاق
ما قلت فرقـاك عيـد .. وبارقـة نـور
أقـول فرقـاك مــن تقسـيـم الارزاق
وأرتـب العـذر .. لـو العـذر منثـور
ويـا مرحبـا بالفـراق ان كـان بفـراق
فرقـى بفرقـى .. ومعـذوره ومعـذور

الموضوع الأصلي: ما قلت فرقـاك عيـد .. وبارقـة نـور..أقـول فرقـاك مــن تقسـيـم الارزاق | | الكاتب: ذبحني غروركـ | | المصدر: شبكة بني عبس

[مرزوق العجوني]

صح لسااان شاعرها ولا هنتي على النقل الرائع

[سلمان الزبني]

قصيدة رائعه ويعطيك العافية على النقل تحياتي

[محمد الراشد]

طعم المـراره .. ولاالحقـران والجـور
والضيق .. مهما كبـر بالصـدر ينطـاق
للضيق ربـي خلـق للعالـم .. صـدور
والدمع .. لو كان وسـط العيـن حـرّاق
يغسل عيوني .. ويبـري مشّـة الـزور
والهجر .. لو كان دربـه يتعـب السـاق



اشكرك
نص رائع كشخصك

[ذبحني غروركـ]

الله يسع‘ــدكم نورتوا

[ابو حمد ابن عايضه]

الله اكبر .متميزه بنقل دائمأ

مسموح في كـل حالاتـك.. ومشكـور
خل الخفايـا .. وخـل اللـي بالاعمـاق

[ذبحني غروركـ]

آبوحمد ابن ع‘ــآآيضة
الله يسع‘ـــدك يارب منور
لاع‘ــدمتك

[أمـــير بـكلمتي]

كلمات كُتبت من الصميم

::

لكن انتي وين تختفين