[سالم الرشيدي]

المدخل :
أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,
( أراقبك ) من بعييد آحسّك بـ صدري !
أسولف لـ " صورتك " عن : آخر أخباري
أشاورك باللي يطري . و إللي مايطري .
- أشتتك – أجمعك – تتشتت أفكاري !
..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,
بيني وبيني . . . ولادة حبي . . . العذري
عني وعنك ؟ تسولف دايم / أشعاري
ما أبيك تدري بـ غلاك و : ينكشف أمري :
حلاته إني – عشقتك . وإنت مو داري ! .
.
المُحال / الصعب , يعني : وضعَنا
إنتثرنا . . . و الأوادم , يجمعون .
يشهد الله , بس ( طمعنا فـ بعضَنا )
يوم خلق الله
بـ - كل شي يطمعون !
يا حبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون
الفراق .. الضيق , الحظ .. العَنا ,
- الجروح إللي تجي بليّا ( طعون ! )
.. الظروف , الموت , الحزن , الهَنا ..
الدموع .. الصوت / خلْهُم : يسمعون
دام ندري الـ " بُكى " ما فادَنا !
[ ليه ما نرحَم قلوبٍ يدمعون ؟؟! ]
إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون .
النصيب / الناس / قسوة وقتَنا :
مو بـ إيدينا هـ الثلاثه , يخضعون
العواذل ........ { عيدهم } بـ فْراقَنا
" فرصة " أعدائي فـ غيابي / يطلعون
راقبونا . . و إتعبوا . . . في قربَنا
و
من يشوفـونا " تصدّق " يفزعون !
- صابنا إللي كاتِبَه [ اللـهُ ] لَنا -
لو مشاعرنا .. حبيبي يفجعون .. !
إنت ((( ضقت ))) فـ غيبتي لكن , أنا :
إنَّا للـه . . . وإليـهِ راجعون .
المخرج :
في دنيتك غصبٍ عن [ الكـل ] : ببقى !
" الموت " أهوَن .... من حياتي بدونك .
خايف عليّ من قسوة الوقت / أشقى ؟!
- مافيه أقسى من ( مفارق ) عيونك -"

الموضوع الأصلي: مابيك تدري بغلاك وينكشف أمري لاأنيق الاحساس | | الكاتب: سالم الرشيدي | | المصدر: شبكة بني عبس

[ميلاس]

روعه '' تسلم ع الطرح

[سالم الرشيدي]

الاـروع حضورك
يسلموو ميلأأس

[وسام عبس]

صح لسانك مرارا وتكرارا

لله درك

برغم قسوتها ومرارة الالم فيها

الا ان محاكاتك لتلك العبره تجاوزت الابداع بذاته

لاهنت اخوي ولاهان حبرك اليانع

تحيتي ~

[شوق]

ابيااات بقمة االروعه معبرة ومؤثر ،
وبصراااحه من الابيات اللى " اثرت فيني حيل " ،


ولاهنت سااالم عالنقل والله يوفقك ...

[سالم الرشيدي]

الله يع ـأفيكم
و

تسلمون على حضوركم الذوووووووق ولاهنـــتــــــم

[الرشـ بنت ـايده]

المُحال / الصعب , يعني : وضعَنا إنتثرنا . . . و الأوادم , يجمعون . \\ في دنيتك غصبٍ عن [ الكـل ] : ببقى ! " الموت " أهوَن .... من حياتي بدونك . خايف عليّ من قسوة الوقت / أشقى ؟! - مافيه أقسى من ( مفارق ) عيونك -"

تسلـــــــم يالغالي والله يعطيك العافية على القصيد الحلو والابيات الاحلى ,’,’,

[فضي البراك]

ذوق عالي جدا

تسلم ياسالم