[المدهش]

السلام عليكم ورحمه الله وبركاته
اسعد الله صباحكم اليكم هذه القصيد قلتها في احد الاصدقا ء سابقا

ياسعود من شانك تعنيت لبطيح ...ابغى الوعد ياسعود لكن ماشي

وابغى الوناسة والوجيه المفاليح ...وضحك مع الاصحاب يسوى المعاشي

وجيت الشعيب اللي جنوب اللواميح ...ولا شفت به ياسعود غير القشاشي

ولولا الحيا ياسعود والله لصيح ...واقنب قنيب اللي عظامة طشاشي

ذيب عوى يوم اورح الناس بالريح ...تذكر العدواة وقت الرشاشي

يطري عليه ملاوعه للمصاليح ...ياخذ عليهم عدوة وانحياشي

واليوم جارله صدوف وسواميح ...رماه من قالوله الربع عاشي

وانا بعد مثله همومي جواريح ...متوزعات وسط قلبي وجاشي

على الغزال اللي عيونه ذوابيح ...ياسعود يطريلي وانا بالفراشي

عسى السحاب اللي مزونه مدابيح ...يمطر على دار بها الزين عاشي

وسلامتكم

الموضوع الأصلي: ولولا الحيا ياسعود والله لصيح | | الكاتب: المدهش | | المصدر: شبكة بني عبس

[مرآهيش]

المدهش

يآسلآم......

كل يوم وأنت مدهشنآ بنص جديد

صح لسآنك

[المدهش]

مراهيش صح بدنك واشكرك جزيل الشكر على حسن المتابعة

[فهيد الشويلعي]

صح السانك؛؛؛؛

[المدهش]

صح بدنك يا فهيد الرشيدي

[(ابوعواض)]

اللــه واكبر عليك


صح لسسانك قصيده اعجبتني وحفظتها

[النقيشى]

صح السانك يشاعر

[عبس404]

ابيات تسوا لها مليون بيت

صح لسانك يا المبدع