[ذبحني غروركـ]

قال الذي يقراء بليا مكاتيب ،،،،=،،،،ياللي تقرون العماء من عماكم
ياعيال يالي تشرفون المراقيب ،،،=،،،تريضولي وقصروا من خطاكم
خذوا كلام جحيش مابة تكاذيب،،،=،،،مثل السند مضمون للي وراكم
ياعيال وان صرتوا ضيوف معازيب،،،=،،،ترى الكلام الزين ملحة قراكم
ترى البلاسة من كبار العذاريب،،،=،،، ترى البلاسة ماتطول لحاكم
يصير بعيون الرفاقة تقل شيب،،،=،،،ليامنه اقبل قيل هذا بلاكم
المذهب المذهب ترى المذهب الطيب،،،=،،،ترى رداء المذهب يبور نساكم
يا عيال ما سرحتكم للمعازيب،،،=،،، ياعيال ماعمر المعزب ولاكم
ياعيال ماضربتكم بالمشاعيب،،،=،،،ولاسمعوا الجيران لجة ابكاكم
ياما تمسعرت الخلايق تقل ذيب،،،=،،،من خوفتي ينقص عليكم عشاكم
احفيت رجليني بحامي اللواهيب،،،=،،،وخليت لحم الريم يخالط عشاكم
واليوم شوفوا لحيتي كلها شيب،،،=،،،وشوفوا محل اتخوضعي في ذراكم
قمت اتوكا فوق عوج المصاليب،،،=،،،قصرت اخطاية يوم طالت اخطاكم
ياعيال ياعيال لي عليكم مطاليب،،،=،،،عطوني القرضة جزاء ما وتاكم
خوالكم ياعيال من ماكر الطيب،،،=،،،يا عيال مدري هالرداء منين جالكم
ياعيال يا عيال الخناء كلكم عيب،،،=،،، ياللي على الوالد كثير لغاكم
قصيتكم وسندت وادي سلاحيب،،،=،،، لقيت بالسبخاء مدافيق ماكم
ياعيال بعتوني بصفر العراقيب،،،=،،،ماهي حقيقة سودالله اقراكم
اطلب عسى النسوان ماتحمل ولا تجيب،،،=،،،وتغيب شمس الصبح ويغتم سماكم
ولابد ماهو عاوين دوني الذيب،،،=،،،بالقبر امفارقن طيبكم من رداكم

الموضوع الأصلي: قمت اتوكا فوق عوج المصاليب،،،=،،،قصرت اخطاية يوم طالت اخطاكم | | الكاتب: ذبحني غروركـ | | المصدر: شبكة بني عبس

[ولد حايل]

قصه جحيش قديمه ومؤثره جدا

صح لسااامه

كل الشكر لك غرورك

[ذبحني غروركـ]

لاع‘ــدمتك والله نورت

[نوماس5]

	صح لساااااااااااااانكــ يسلموو علي النقل المميز يا الغلااااا

[أمـ الشوق ـير]

قصيدة جزلة

تسسسسسسسسسسسسسلمين

[ساره الرشيدي]

يعطيج العافيه يالغلا

[المميز]

هذا قصه وقصيده جحيش باابناه
الثلاثه العاقين نسئل الله الحمايه
شكرآ ...
تحياتي

[ابوشوشه]

ذبحني غروركـ


صح السانك وكلمات جميله

ولها اكثر من معنى ودلاله

احييك على الكلمات الجميله والمشاعر والاحاسيس الرائعه

وانا بانتضار ماسيخططه قلمك في المره القادمه

الى ذلك الحين

بإنحنا دمت سيدي ودام قلمك

ابوشوششه