[النمر1012]

يازياد القلب مدري وش بـلاه
صايبه سهماً مسمم من سمـوم
سل حالي واستلم حبل النجـاه
وصار موتي واضحاً مثل النجوم
الله اكبـر لانظـرتـه زاد داه
والله اكبر حامله مثل الرجـوم
لامطوع لاطبيـب يلقـى دواه
الدوا مـن داه بدوايـه يـدوم
مايزيله غير ذكـري والصـلاه
والدعاء بالسر للرب الرحـوم
ياخوياً بالجبـال اسمـع عـواه
خايف انك بالعوا وقته تصـوم
صومته لاصام يتبعهـا عشـاه
ويل منهو بين خطواتـه يحـوم
من تهقوا للجبل يسكن عـلاه
ومن تخوف للعلى يبقى رخـوم
ومن وطى درب الرذاله هي تطاه
ويتوطى غاربـه كـل الرمـوم
ومن يكون بدنيته يتبـع هـواه
ينحدر لو كان في راس الرجوم
لحيفك شده وخله بك غطـاه
لاتبيعه تفلس من اللـي يسـوم
الجبل مايهز لـو ريحـاً غشـاه
ومن وثق يمشي ملك ويعز قوم
اعرف الرجال واعرف وش غزاه
وافهم الخطه قبل عينك تشـوم
يجبـال طويـق ولا يالسـراه
ويارياض المملكه ويش العلـوم
ادري ان العلم مخفي بالصفـاه
ولو تفجر كل حراً لـه يـزوم
وبالختام احلى تحيـه للدهـاه
ومن بقى خله يتابـع للرسـوم

محمد السراهيد الشراري

الموضوع الأصلي: ادري ان العلم مخفي بالصفـاه ولو تفجر كل حراً لـه يـزوم | | الكاتب: النمر1012 | | المصدر: شبكة بني عبس

[الرشـ بنت ـايده]

صح السان شاعرها ولا هان ناقلها ,’,’,


تسلم يالغالي والله يعطيك العافية ,’,’,

[رادوي العبسي]

مشكور والله يعافيــــــــــــــــــــــــــــــــــــك