[عبدالله معزي]

قال الذي في سكة المجد ساعي = واله بطيات المعرفه دواوين
البارحه دع الهواجيس داعي = واخترت من جزل المثايل مزايين
اخترت لي غيد(ن) عماق وساعي = ولصقر عبس اسندتهن بالقوانين
للشاعر الي حاضرن باندفاعي = ابغاه يكتب للمثايل عناوين
نسل الرجال الطيبين الرفاعي = الي بعالي ماكر المجد بانين
تاريخهم بالطيب ضوه شعاعي = مافيه شك وكلنا عنه دارين
ابسأله وش هو رصيدا جماعي = بحساب واحد يجمع الربح والدين
ووشن ثلاثا مشيهن بالخداعي = مافيه مخلوق مشن له عل الزين
اذنيك تسمع والنواضر تراعي = والي تشوفه كذ سمعته بالاذنين
دن المطيه لي ودن المتاعي = باق المدد لازم تسهر به العين
لازم تزيد الراس فيه ارتفاعي=الي يعيش بذل ربعه ذليلين
يقوله الي في سما المجد ساعي = ينزل منازيل الرجال العزيزين
منزال عودا له طريقا سناعي = واله بكبر الجاه قدر وموازين
بانن لنا قصرا رفيعا وساعي = بالطيب والنوماس ماهو من الطين

الموضوع الأصلي: (سكة المجد) قصيده اسندها الى صقر عبس | | الكاتب: عبدالله معزي | | المصدر: شبكة بني عبس

[كاتب الرشيدي]

صح اللسانك

ياشاعرنا ابو معزي

قصيدة جزله من جزل

وننتظر صقر عبس

هو من الشعّار المبدعين
لنستمتع بمساجله جميله

[ابن صقعان]

عبدالله معزي صح لسانك ولاهنت على القصيده الجزله