[عبدالرحمن الحميدي]

السلام عليكم ورحمة الله وبركاته

يسعدني أن أضع بين أيديكم قصيدتي
التي أتمنى أنها تحوز على رضاكم

ليه أدوّر علاجي دام مالي علاج؟=كيف أبلقى الأداوي دام مالي طبيب؟
ليه أتعّب ركابي دام مالي خراج؟=مايفيد التوجع والبكى والنحيب
ياتسافر معي واعيش معك بـ مزاج=وإلا تجلس وانا بارحل كأني غريب
الصقر يعشق العزله وسلك الفجاج=يطرد الطلع لوّ الطلع ماهو قريب
مايحب الوكر والعيش خلف السياج=لو عطوه الطرايد مارضي بالنصيب
عادتي من بداياتي وانا لك سراج=أحترق لا جل أضوي لك وانا باللهيب
كل ماقلت زانت فيك زدت إنعواج=طالت السالفه والجرح عيّا يطيب
إختر من الثلاث إبلا حرج وإنزعاج=ياتفارق..ياتقتلني..ياتصبح حبيب
راحت اسنين من عمري وانا بإزدواج=بين هجرك وتعذيبك وانا معك أطيب
صار كل الركود مخالطٍ بإرتجاج=مابقى شي ثابت فيه اركز واصيب
مابقت غير فرقانا عساها علاج=ابجرب واسويها عساني ماخيب

الموضوع الأصلي: ليه أدوّر علاجي دام مالي علاج؟؟؟ | | الكاتب: عبدالرحمن الحميدي | | المصدر: شبكة بني عبس

[ساااره]

مشكووور ولا هنت وتسلم يمينك

[سمري]

شكرالك والله يعطيك لعافيه

[عبدالله معزي]

اقتباس من مشاركة عبدالرحمن الحميدي السلام عليكم ورحمة الله وبركاته يسعدني أن أضع بين أيديكم قصيدتي التي أتمنى أنها تحوز على رضاكم ليه أدوّر علاجي دام مالي علاج؟=كيف أبلقى الأداوي دام مالي طبيب؟ ليه أتعّب ركابي دام مالي خراج؟=مايفيد التوجع والبكى والنحيب

ابداع قصيده جميله وجزله من شاعر جزل
شكرا لك وننتضر لمزيد

[انسان شاعر]

ابجرب واسويها عساني ماخيب .. !

الله عليك
شاعر رائع
لغة تخصّك انت..
افكار تأخذ منحى منفرد
متألق وستكتب تألقاً اروع مادمت تفكر منفردا ..

تحياتي

[ناصر خنيفر]

صح السانك القصيده طيبه

[احمد سبيتان]

صح لسانك شاعر كبير وتحياتي لك

[مُخاطِرْ]

صــــح لسانكـ وتسلم يمينكـ ع القصيدهـ،،،،
.
.
^_^