[الشاعر المجهول]

عد السحاب وعد ماهل مدرار=غيث الولي وعداد ماخضر شعيبة
يامرحبا ترحيبة كلها اشعار=من هاجسي لوهي كوتة المصيبة
خلك على خبري جزوما وصبار=ذيبا يدوي بالسواحل قنيبة
لاتشكي الدنيا ولو صار ماصار=اصبر تصبر لين ربك يجيبة
ترى الفرج ياتيك من وال الاقدار=الواحد اللي سر خلقة دريبة
هذا وانا بالحب مبلي ومحتار=قلبي وعيني والضماير صويبة
من سبة اللي حط بالقلب تذكار=قبل ثلاث سنين يوم التقيبة
في ديرة بحدود حايل من يسار=دار التميمي ساكنآ مع قريبة
شفتة وقلت العقل يامهجتي طار=قال انتبه لاتحطني في مصيبة
قلت العفو قال ابتعد عني امتار=في سوق شعبي يالحياه الكئيبة
قلت الوداع وقال مالك ترى اعذار=كانك جفيت ابعد ولاهي طليبة
روح وماشفتة ولاعدت ماصار=لان الغلا راسخ لاغلى حبيبة
هذا ولك مني تحية ومقدار=وهذي هديه من صحيب لصحيبة

الموضوع الأصلي: خلك على خبري جزوما وصبار=ذيبا يدوي بالسواحل قنيبة | | الكاتب: الشاعر المجهول | | المصدر: شبكة بني عبس

[أمـــير بـكلمتي]

صح لسانك مشكور عى الطرح الجميل

[برق الوسم]

صح لسانك اخوي قصيده رائعه لاهنت

[مداروفلك]

صح لسانك
تقبل مروري وتحياتي