[نوماس5]

اخواني الاعضاء والمشرفين والمراقبين
اهدي لكم هذه المحاوره التي جرت بين
الشاعر /
بكر الحضرمي


و
الشاعر /
عبدالله الاشرم



والمحاوره قديمه وكانت عند قبيلة عتيبه في مدينة احلبان - الطائف



عبدالله الاشرم


بعد جيتم وجينا بعاصمة الشيابين
ابو حضرم فريسة شيابين احلباني

انا ماني بحبحب ولا زعزوع سكين
ولكـــــــــــن جودونا طويلين اليماني


بكر الحضرمي


تبى الرشاش والا تبى رمح الشجيعين
انا ماني بمثلك ولـــــي تسعين عاني
ترانا قوم مكه ونرجم بالشياطين
وانا عارف مكانك ولا تعرف مكاني


عبدالله الاشرم


تقوله وانت مرهون من بين السلاطين
واظنك تالي الليل تسحب بالاذاني
وحنا الله نصرنا بغزوة بدر وحنين
يابو هرج" يشابه كلام البغبغاني


بكر الحضرمي


انا ضيف" مكرم ولــ عتيبه قوانين
واظنك يالرشيدي يبي لك ترجماني
طفا الرحمن نارك ويبقى لك دخاخين
وانا جيتك بسوقك كما ثور السواني


عبدالله الاشرم


يابن زعزوع عمرك قضى مير العمل شين
تبيع القات وتقول هذا زعفراني
تصيح اصياح ياسر على دولة فلسطين
ترى باخر زمن يشتهر شاعر يماني


بكر الحضرمي


سلاطين التجاره وجمعنا الملايين
لكـــــن انتم تبيعون هــــــاذيك الاواني
انا خابرك فرعون من ناس" فراعين
تبي لك ضربة" بالعصى والخيزراني


عبدالله الاشرم


سلاطين المنادي مخلفت الحجيجين
( ياليتك يامهناء تجيب النا تهاني )
انا بعطيك رمح" يرد الحق هاللحين
وابى اسلمك راس" كبر راس الفغاني




بكر الحضرمي


تحسبون العمل عيب يالناس المساكين
من اول كنت طحان نسبه للطحاني
اليا مديت يدك نملي لك مواعين
والا ياصاحب" بعد جيته وابتلاني



وسلامتكم

الموضوع الأصلي: الاشرم والحضرمي في اصعب المواجهات | | الكاتب: نوماس5 | | المصدر: شبكة بني عبس

[ناصر الخياري]

تسلم على النقل ...

[نوماس5]

يسلمك ربي

[المشعل]

يعطيك العافيه

لاهنت على النقل الرائع

تحياتي لك

[نوماس5]

الله يعفك ولا انت اخوي منوووووووور

[عايد2001]

لاهنت على النقل
مشكور يانوماس

[نوماس5]

ولا انت منووووووووووور

[عايض ابن جوهر]

مشكورعلى النقل
وصح لسان ابو عمر وابومحمد
تقبلوا مرورى