[محمد العتـيبي]

السلام عليكم ورحمة الله وبركاته
اردت المصافحة بهذه المتواضعة قبل الاختبارات
واتمنى ان تنال اعجابكم ورضاكم ..

كم تهاونا وطوفنا وكم قلنا [ تمون ]
بس حدك .. للكرامة حدن اكبر من غلاك

ايه احبك .. وانت تدري قدر حبك وش يكون
ايه احبك .. وانت تدري قدرك يبرر خطاك

شلت قلبي من محله .. صار في قلبك مصون
راح قلبي مانشدني وين ماخذني معاك

شلت عقلي شلت فكري شلت نظرات العيون
مابقى لي غير قلبن صار نبضه من هواك

وش بقى لي في حياتي .. صرت شخص امن السكون
انتظر ( ضمة ) شفاتك واشفق ل( مدة ) لقاك

انت ياكون الغرام اصبحت وسط الكون كون
سبحان من هو صورك سبحان من زود حلاك

تدري اني يوم شفتك .. ناسي ان المون مون
احسب ان المون جنبي ماقدر يقعد " بلاك "

يوووه ياعشقك .. حكاية من بدايتها جنون
لو سمعها الشيخ خالد قال بسم الله علاك

كل هذا لا يهمك .. كان شفت اني حنون
لا تطاول ع الكرامة خطوها يسبق خطاك

وبالختام اقولها لك .. ايه اعشقك وبجنون
بس حدك للكرامة حدن اكبر من غلاك

محمد العتيبي

الموضوع الأصلي: لو سمعها الشيخ خالد / قال بسم الله علاك ! بقلمي | | الكاتب: محمد العتـيبي | | المصدر: شبكة بني عبس

[محمد العتـيبي]

الشيخ خالد هو امام المسجد ..

[سعيد عيد الرشيدي]

مصافحه راائعه اخوي محمد العتيبي
وصح لسانك لييين ترضى
واتمنى لك التوفيق باختباراتك
تقبل مروري وتحياتي

[عيد الداموك]

محمد العتيبي

صح لسانك وننتظر جديدك

وتقبل مروري

+ ختم صح لسانك وتستاهل

[سهم عبس]

يوووه ياعشقك .. حكاية من بدايتها جنون
لو سمعها الشيخ خالد قال بسم الله علاك

صح لسانك / محمد العتيبي

[Д฿ŜĬ]

الغالي /محمد العتيبي

صح لسانك وعتلا شانك على القصيده الرائعه

تقديري واحترامي لك

[كحيلة]

صح لسسسانك أخوي محمد العتيبي ..
قصيدة طيبة ..وبانتظار جديدك..
لاخلا ولاعدم..

[ابوتوتو]

صح لسانك ابوعتب