[احمد الشختلي]

بسم الله الرحمن الرحيم



السلام عليكم ورحمة الله وبركاته





كما عودتكم على جديدي يسعدني ويشرفني أن قدم لكم هذه الابيات وهي في والدي عسى ربي يحفظه واحببت ان ارفق لكم الابيات والانشوده معاً وارجو ان تحوز على رضاكم قبل اعجابكم


( يا بوي )

اداء المنشد / فرج بن سحمي الكدادي




المقطع على هذا الرابط



×



×

ياكافل الأفعال من طيب يمناك=كفك جزيلات المراجل كفلها
شايبك في مدهال الأمجاد رباك=وراسك مراقيب الشهامه وصلها
ياللي لك أصعاب المهمات تنصاك=ومن طنختك دايم تفكك حللها
المدح ما ينصاغ في غير شرواك=وما للمدايح فالزمن غير أهلها
يابوي كفك من عنا الوقت كفاك=إليا عطى مده بجوده دبلها
وذكرك نقش في صفحة الطيب ذكراك=مواقفك محدن يدور بدلها
أفديك من راسك ليا حد ماطاك=وأنذر لك سنين الحياه وعملها
طيبك مغرقني وهذي مزاياك=ومقدارك بيوت المشاعر دهلها
مع سيرتك مع طيبتك مع سجاياك=تاريخك رموز الشياخه حملها
خذني شجيعن حزة الضيق يرعاك=وإن مالت الدنيا حزامك عدلها
وخذني عسانا فالدهر ما عدمناك=والأرض مرساها بقوة جبلها
أعيش لجل رضاك وأموت لرضاك=من قمة الهيبه ليا أخر سهلها

وسلامتكم

الموضوع الأصلي: يابوي .. جديدي بعد الغيبه | | الكاتب: احمد الشختلي | | المصدر: شبكة بني عبس

[فضي البراك]

رائع جداً

ومتابع ،، لك ،،

[سحايب]

الله الله صح الســان احمد
قصيد رائعه
واداء بجد اجمل
يعطيك العافيه

[عـمـر بن فـايـد]

صح الله ألسانك ولاهنت

جزله من راسن مايجيب الا كل نادره وشارده

والله يطول بعمر شايبك ويمده بالصحه والعافيه ويبقيك يالقرم

وانا من احد متابعيك يا احمد شكرن لك وتقبل مروري

[عبدالله معزي]

قصيده جميله
احاس صادق
ادا مميز
باختصار (ابداع)
صح لسانك ولاتحرمنا من جديدك

[احمد منيف]

صح الله لسـأنك ولاهنت ع الشيله طيبه بالحـيل :)

[صقـــر الشرقيه]

وافيه وروعه

صح لسانك

[مرزوق العجوني]

صح لساانك اخوي ولاهنت وتقبل مروري