[بدر حيي]

خلف المشعان :
سلام من جزل القصيد افحمله
للشاعر .. اللي ما يبيله شهاده

كان انت حامد زيد .. فالحمدلله
والا الزياده .. ما علينا .. زياده


حامد زيد
خل السوالف بيننا مسفهله
يالشاعر .. اللي تستحق الاشاده

ان جاك حامد .. جالك الشعر كله
لكن بوصيك .. التزم بالركاده


خلف المشعان
يا مرحبا .. لاجيت نعطيك فله
نمدهالك .. لا بغيت بهواده

الشعر .. درب وصار كل(ن) .. يدله
لكن .. قليل اللي براسه قراده


حامد زيد
ارحب وكلن مننا في محله
والكل منا عارفن وش مراده

لو كل شاعر له جماعه وشله
انا الوحيد اللي وقفت بحياده


خلف المشعان
لا تسق .. بسيفك علي وتسله
كل(ن) على ما قيل يركب جواده

لين .. انتلاقى .. وسط ميدان ((زله))
محد(ن) معاي .. وناطرك .. بالحماده


حامد زيد
قلنا وقلنا .. والسوالف ممله
عطني علومك .. لا تسولف زياده

باكر دوامي .. وانت لي صرت عله
اسهرتني وانا وراي الوساده


خلف المشعان
بعض النخل .. ما هو على شوف ظله
اغرتني عذوقه .. وشفت السواده

اثر السواده .. فوق راسك مظله
متسلقي (ن) .. والله يرزق عباده


حامد زيد
ما هو انا اللي في قوافيه خله
الشعر انا محله .. ومايه .. وزاده

اوثق قياده .. بحبري .. واحله
واقيده وارجع واحلل قياده

الموضوع الأصلي: محاورة شاعرخلف المشعان وحامد زيد.. | | الكاتب: بدر حيي | | المصدر: شبكة بني عبس

[(*العرعري*)]

مشكوور يابدر حيي
ويعطيك الف عافيه

[Pondered]

مشكوور يابدر حيي
ويعطيك الف عافيه

[بدر حيي]

مشكورين الاخوه على المرور ويعطيكم الف الف عافيه

[ناصر الخياري]

لاهنت يابن حيي ...
اول مره اسمع ان المشعان وزيد شعار محاوره ..

[بدر حيي]

مشكور اخوي ناصرعلى مرورك ويعطيك العافيه