[عبدالرحمن عديهان]

اخواني سبق لي وان نشرت هذه القصيده ولكن

لبعض التعديلات التي لم تذكر تم اعاده كتابتها وشكراً

القلب كهلٍ كبير وكثرت أوجاعه=والجرح لو طاب صدقني ليوجعني
دخلت حبك ولاادري وين مطلاعه=اليا ذكرتك دعيت الله يطلعني
نهجت أدورك كنك عندي وداعه=أتوه بأرض عليك تقول تمنعني
ضيعت دربك بليلٍ جاعت أسباعه=كرهت حتى طريقٍ عنك ضيعني
بعد التعب جيت وشوقي لو بقى ساعه=والله يمدي حطام الشوق ميعني
الشوق مابان في وجهك ولاأنواعه=ياليت دربي عن أمواصلك رجعني
عزي لمثلي يحب وصاحبه باعه=روح وانا بحاجته ويقول وش يعني

الموضوع الأصلي: ((((الجـــــــــرح)))) | | الكاتب: عبدالرحمن عديهان | | المصدر: شبكة بني عبس

[بدر محمد]

صح اللسانك اخي
عبدالرحمن عديهان

[مالك الصامل]

عزي لمثلي يحب وصاحبه باعه
روح وانا بحاجته ويقول وش يعني

صح للسااااااااااااااااااانك ولاهنت ..............وبنتظاااااااااااااار جديدك ولا تقاااااطعنا...؟؟

تقبل تحيااااااااااااااااتي.

[راعي البلها]

صح لسانك اخوي عبدالرحمن ولاهنت

[عيد بن عبيد]

الشوق مابان في وجهك ولاأنواعه=ياليت دربي عن أمواصلك رجعني

عبدالرحمن عديهان

اسعدني تصفح فتاتك الصغيرة

واستمتعت بقراءتها

لافظ فاك

سوف ابقى مترقبا للقادم

تحيات اخوكـ
عيد بن عبيد