[JljJjJl]

بسم الله الرحمن الرحيم

السلام عليكم ورحمة الله وبركاته

إخواني أعضاء وزوار منتديات قبائل بني رشيد

كما عودناكم في كل اسبوع نختار محاورة مميزة من محاورات الأعضاء

هذا الاسبوع وقع الإختيار على محاورة الشاعرين : صقر ابن عبس و بتاال


صقرابن عبس

مرحبا من هاجس" من يوم غنا الطرق شاقه =في جميع اللي حضر في منتدى عبس العريقه
ودي انشدكم عن حوار" رضع من ديس ناقه =محتميته مــــير يوم انه كـــــــبر شق الوثيقه

بتاال

البقا من راسي وهوجاسي بذوق ولباقـه=ياعميلن مشيته بالدرب في خطوه رشيقه
ماروا من ديسها طاح وتكسر عضم ساقه=قبل عام وساعتين وعشرة ايام ودقيقـه

صقرابن عبس

مانقول اقصور فيك وكل بيت" فيه طاقه=مير يابتال دوبك لايغدي خاتم عتيقه
القعود اللي نقوله ياوسيع العرف عاقه=ابتلشنا بولده وابوه ومساعد شقيقه

بتاال

انت شاعر ماتجيب البيت جهل ولا طفاقـه=روعك صوت الرعد وشلون لو ناشك بريقه
مدي لي كف العلاقه وابشر بكـف العلاقـه=بعدها نبدا سوالفنـا علـى موجـه دقيقـه

صقرابن عبس

انت اظنك شيخ قوم وتعرف المر ومذاقه =مأنت ورع" يلعب الكوره ورى سور الحديقه
شد حيلك واسر ليلك بالجليله والدقاقه=واسمع العلم اسمعه والــــــريع لابدك تويقه

بتاال

ستل الجنحان ياطير السعـد منتـه لحاقـه=احسب انك ريش حر وجات بك ريشه رقيقه
يابري حالك ويا وجدك وراع الـذود باقـه=مات مياح السوانـي والبـلا مابـل ريقـه

صقرابن عبس

يمكن انك جيتني مناك في صبر ورواقه=مير انا مابغاك ترقص كل مادقت موسيقه
انتهت ياصاحبي مابيني وبينك صداقه=وش تبى بغب البحور اللي على مثلك عميقه

بتاال

انت مادامك تحب الدفع في كـرت البطاقـه=ماتبيها كـاش لـو احملـك مـالا تطيقـه
دقتك دقه قديمـه والبحـر زاد اصطفاقـه=اشرب اطشاشه وانا بقرا عليك من الشقيقه

صقرابن عبس

والله انــــــي يازميلي مانويت لانطلاقه=مير انا اشوف النحل يسقيك من باقي رحيقه
شاربك من كف صقر يسلمه موس الحلاقه=هــــذا هــــو هرج الحقيقه كان تبغون الحقيقه

بتاال

من يذكي ناقة عريمـان مايرضـي رفاقـه=هب يابعض الشوارب هابطه ماهي طليقـه
لو رقينا طويق راع اطويق يزعل من طواقه=احتمى الطاروق واقبلها ولو راحت سليقـه

صقرابن عبس

سرها مسرى الذيابه واحتم البيت ومساقه=كل رجال" على كيفه يبى يشجع فريقه
القعود اللي نقوله راح ماحصل حقاقه=واحلاله يالرجال اللي يحلون الغميقه

الموضوع الأصلي: محاورة الأسبوع المميزة .. ودي أنشدكم عن حوارٍ رضع من ديس ناقة | | الكاتب: JljJjJl | | المصدر: شبكة بني عبس

[عبدالباري عبدالعزيز]

ياسلام على المحاورة
محاورة لها معنى عميق سجل اعجابي بشعر صقر ابن عبس ولايهون بتال
وياسلام على الذوووووووووق يالزلزال
راقي
واختيار عالي مستواه
لاهنت
تقبل مروري

[صقر ابن عبس]

اشكرك يامشرفنا الزلزال والله يعطيك العافيه

[صقر ابن عبس]

اقتباس من مشاركة عبدالباري عبدالعزيز ياسلام على المحاورة محاورة لها معنى عميق سجل اعجابي بشعر صقر ابن عبس ولايهون بتال وياسلام على الذوووووووووق يالزلزال راقي واختيار عالي مستواه لاهنت تقبل مروري

من ذوقك ياعبدالباري عبدالعزيز وشهاده اعتز فيها الله لايهينك

[العالم الفلكي]

وعليكم السلام ورحمة الله وبركاته

اختيار موفق يالزلزال وصحت السنت الشعار

[العقاد]

محاورة خاليه من الشوايب وتحمل معاني وقوه
سجل اعجابي بالشاعر بتال وزميله صقر ابن عبس
وسجل اعجابي الشديد فيك اخي الزلزال لاهنت ع الاختيار والنقل الجميل

[JljJjJl]

الله لايهينكم

مشكورين على المرووور

[فهدالعويمري]

وعليكم السلام ورحمة الله وبركاته

اختيار موفق يالزلزال وصحت السنت الشعار