[ابو بيان]

عيد بن مربح

بعد جيت حفل مكرمين المواجيب
سلامي سلام(ن) كلكم تسمعونه
ولا يالعصيمي هات زين الهناديب
تدرج ومكيال الوفاء لاتخونه

(بندر العصيمي)

هلامرحبا ياذيب واللي معك ذيب
الك عود ازرق وانت تقبل دخونه
ليا صرت غازي فوق عوج العراقيب
أخذ قسمكم والزود لاتقسمونه

(عيد بن مربح)

مايدري بني آدم وش تجيب المكاتيب
يشوف السنع ويجنبنه عيوونه
زمان المغازي راح لاتشلح الجيب
والأسلام دونه عالم يحتمونه

(بندرالعصيمي)

وياعيد بن مربح تكفى المحاليب
تدير الحرم والله منجي ركونه
زمانك وطاك وراح ماسجل العيب
نسيت الوضيحي يوم تطبخ قرونه

(بن مربح)

وانا لو بغيت أضربك بانت مضاريب
لكن الردي يغنيه يالله دونه
ماتسلم عتيبه غير وسط السراديب
حرام الخزى عن مثل وقته نصونه

(بندر العصيمي)

انا لوبقيد بالجمال الأصاعيب
أبترك بعير ضاري للمرونه
عتيبه تبى تشرب خيار المشاريب
يابو سمن مايع بس داخل سعونه

(بن مربح)

تقضب يدك ويطلقن المقاضيب
لو التيس يصدم ظلع طاحت قرونه
عتيبه في وقت فات ضد الأجانيب
لكن أبتلوا في مثل هذا النمونه

(بندر العصيمي)

أقرب فقير مايشب المطاليب
سوات الغزال أن هج مايطروحونه
وليد العراقي يزرع الورد والطيب
عليه أربعه واثنين والبحر دونه

(بن مربح)

تبين الذيابه من كلاب المغاريب
لمن حام اللال يبست سنونه
وليد العراقي ضيفكم يالمعازيب
خشير لكم بالزاد لاتحرمونه

(بندرالعصيمي)

ورى بنت خالك نيروه الخطاطيب
على كبر راسك جعلهم يدفنونه
عيال العراقي مالهم عندنا صيب
مضيع عقاله والدبا ياكلونه

(عيد بن مربح)

ليا منها هجت طبوع الخراعيب
ومستقبل ام البنت ماتضمنونه
تهرب عقب صكت عليك الدولايب
وماكم وماهم خلط ماتعزلونه

الموضوع الأصلي: عيد بن مربح و بندر العصيمي | | الكاتب: ابو بيان | | المصدر: شبكة بني عبس

[أجهل احساسك]

صح الله ألسنة الشعراء ، و شكراً لك .

[طارق الشويلعي]

الله الله بقمت الروعه تسلم يد طارحها