[سالم عايض لطريس]

ليت الورق يقرا وش اللي كتب فيه ..
و ليت القلم يدري وش اللي جرا به ..


ان كان ما تمسي فـ صدري مشاريه ..
و لا اتضايق لو تضيق الرحابــــه ..


وا. صوتي اللي عجزت الناس توحيه ..
غريب يوم اصوات غيري تشابــه ..


البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..


و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..


ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..


و الغايب اللي يغري الشعر طاريه ..
مـا قــل قــدره لــو يطَــول غـيـابــه ..


كم لي و انا احث القصايد تخليه ..
حتـى تلاشـت رغـبـتـي في الكتابـه ..


و الشعر لو يفقد حروفه و اساميه ..
مـدري وش اللـي بعـدها ينبغابــه ..


احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..


أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..


يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..


و قولوا له اني من كثر ماني أغليه ..
اشـرب ســرابـه و ارتوي من سرابه ..


و على كثر ماانسى اذا قلت ناسيه ..
دار الــزمان و جــاب عشقــه و جـابـه ..


حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..


ان لمت قلبي عاقبتني محانيه ..
و ان قـلـت أبرضا عـز نفسي رقابـه ..


البارحه كنت اكسر الروح و انهيه ..
كان الـورق ارض و عيـــوني سحابـه ..


زرعت مااحبه ولا عاد لي فيه ..
و جنـيـت احـبــه لو يطـول غـيـابه ..

الموضوع الأصلي: ياللي تجونه دامني ماقدر أجيه ..!! | | الكاتب: سالم عايض لطريس | | المصدر: شبكة بني عبس

[برق الوسم]

سالم عايض لطريس
صح لسانك واعتلا شانك
قصيده فيها من الشاعريه الشي الكثير
ننتظر جديدك لاهنت وتقبل مروري

[دلوعة بني عبس]

سالم عايض لطريس
صح صح لسانك على هذي الابيات والله شاعر
تقبل مروري

[مرزوق العجوني]

صح لسااانك ياسالم ولا هنت وتقبل مروري

[احمد سبيتان]

اخوي سالم قصيده في منتهى الروعه جميله في غاية الجمال
نتمنى لك التوفيق ببببصرراحه مادري وش اختار من الابيات

بس بقولهم بعد......وصوا ذهابه لايشح بيابه

[سالم عايض لطريس]

مساكم الله بخير وااالف شكر على المرور الرائع مروركم نور صفحتي

[نبيل العرعري]

صح لسااانك ياسالم ولا هنت وتقبل مروري

[مبارك الخميلي]

سالم عايض لطريس
صح لسانك واعتلا شانك
قصيده فيها من الشاعريه الشي الكثير
تحفة فنيه في قمة الابدااااااع
ننتظر جديدك لاهنت وتقبل مروري