[قبلة الرشايده]

بعض من قصايد الشاعر المبدع ثامر شبيب

عساها تنال اعجابكم


الاولى .. (دمعة البرد)
طبع الندى يبكي وهو حاضن الورد=في عز ماهو فارغ الصدر مرتاح

مثل السحاب اللي بكا دمعة البرد=تفرح به العربان لا بارقه لاح

اما انا قلبي غدى قاسيٍ عرد=ماعاد يبكي لو فنت كل الارواح

من يوم راح وشاف دمعي ولا رد=حرمت مابكي لي على واحدٍ راح

طرد المقفي يتعب القلب بالطرد=يشوحه المقفي كما شوح ملواح

ترى حلاة الرجل في حزة الجرد=مايقبل الهيّن .. ويوقف اليا طاح

ان صدرم صدر .. وان وردم يرد=ياخذ حقوقه لو بها سيوف ورماح

والدمعه اللي شافها وراح مارد=اخير دمعه كانت لواحدٍ راح

والثانيه (لباس العمامه)

سم بسم الله ياطفلٍ تحلم=وارتفع للعز ياراعي الزعامه

اقضب الهرجه وللموعد تولم=قبل ترقا هامةٍ من فوق هامه

صاحبي لاصرت ماتعرف تعلم=قبل تلحق لحيتك شرها وملامه

ودك الرجال لامنه تكلم=يثبت افعاله على موجب كلامه

سالفتنا غير عن قلب وتألم=لاشكى معذور من لاهب غرامه

سالفتنا ضربة استاذ ومعلم=شتتت فكر التلاميذ ونظامه

لكن اسمع قبل اقول اسلم وسلم=كل رجالٍ وله بصمة ابهامه

صاحبي بالحق لاتسكت تكلم=لاتحسب حساب لباس العمامه

والثالثه (بداح)

يابداح لاترجي رفيقٍ يعزك=ان كان ماعزيت نفسك بتنهان

قام الردي يجسر عليك ويدزك=دارت عليك اليوم دورات الازمان

الناس ماتعطف عليك وترزك=ارفع مقامك وارتفع ياكحيلان

والموقف اللي هز قلبك وهزك=لاتلتفت للي غدى ماضيٍ كان

يحز بالخاطر وانا ادري يحزك=انك تشوف الذل من اقرب انسان

اصبر على همومٍ كثيره تلزك=وقف على حيلك ولو كنت تعبان

عاند زمانك في طموحٍ يكزك=لو قالوا : ان معاند الوقت خسران

قلوب خلق الله بعضها تعزك=واكثر من اللي تعزك قلوب عدوان

يعني اليامن طحت محدٍ يرزك=انكان ماعزيت نفسك بتنهان


وهذا اول موضوع لي

قبلة الرشايده

الموضوع الأصلي: قصايد عجييبه لثامر شبيب الدقباسي | | الكاتب: قبلة الرشايده | | المصدر: شبكة بني عبس

[فليح الرشيدي]

صح لسانه
وحياكي الله وانا ابو تركي

[عبس نسل الاحرار]

شكرا اختي على النقل الراائع

ولاهو غريب الابداع على بوشبيب

[قبلة الرشايده]

تسلم يابو تركي على مرورك الطيب
وتسلم نسل عبس نسل الاحرار على المرور الكريم

[وشلون مغليك]

مشكوره ويعطيج العافيه

[سامي الذيابي]

يعطيك العافيه على نقل قصايد الشاعر العذب ونجم الساحة ثامر شبيب الدغباسي
لاوجود للشعر الا بوجود ثامرملك الغزل

تحياتي

[قبلة الرشايده]

شاكره مرورك يالفريدسي2
ويعطيك الف عافيه اخوي سامي على المروور الطيب


قبلة الرشايده