[بدر حيي]

احب ان انقل لكم هذه القصيده لشاعر المعني عبدالله الاشرم وهي بعنوان

مداح نفسه

يامادحن نفسـك ومـادح خوالـك....وتقول راع الخيل والرمح والسيف

مدحك لنفسك ميزتن مـن اخبالـك....المدح للـي يحتمـون المواقيـف

اكبر مصيبة كـان كثـروا عيالـك....تكثر خبـول مفرقيـن المواليـف

خلك مع الوديان تمشـي الحالـك....لاتخرب الاشعار وتخرب الكيف

اشغلت بال الناس واشغلـت بالـك....ترعد وبراقك مثل بـارق الصيـف

دون الوفى والطيب تقصر حبالـك....ابعد عنك بعد المدينة عن اجنيـف

انت تخيـل ليـن غـرك خيالـك...مير العرب عيت تجيلك على الكيف

الله يامـنـا ويسـتـر حـوالـك...حنا نعرفك مانبـي منـك تعريـف

وان كان ماتعرف يمينـك شمالـك....اسئل وتقنعك الرجـال العواريـف

ماانته بسالك مع جميـع المسالـك....ياللي على الشاطى تجر الغطاريف

ياشيب عين العانـي اللـي عنالـك...لاتنطح الهيجى ولاتكـرم الضيـف

ياللي على الشاشة تجاوب سؤالـك....سرك لفو فيه اصدقـاك الملاقيـف

دون المكاسب مارجع راس مالـك....ضيعة راس المال ياحيف ياحيـف

الله يعوضنـا بشخـصـاً بـدالـك....ويرسل عليك محطمة خط برليـف

والدوم مايثمر رطب يابـو مالـك....مايثمـر الا بالسعـف والكرانيـف

لاتزرع الصبخاء تضيـع حلالـك....ولاتعامل اللي مايعرف المعاريـف

الموضوع الأصلي: مداح نفسه لشاعر عبدالله الاشرم | | الكاتب: بدر حيي | | المصدر: شبكة بني عبس

[ذبحني غروركـ]

صح لسااانك لاعدمننا هالطرح
الله يسعدك

[بدر حيي]

يسلمووو على المرور الرايع