[عبدالله عوجان]

الشعر هو صدقي الصادق وهو عنواني= هو خويّ الدرب والنيه سوات النيه
مااخبر يومٍ خذلني طول هالازماني = والقصايد عن متاهات الخطا محميه
لا تناوشت القلم وابحرت في قيفاني= الفكر يبحر وبحر الشعر يبحر فيه
ابتكر فكرة قصيدي وابدع الالحاني= والقصيده لا كتبت أبياتها بيديه
والله انها مايجيها الزود والنقصاني= القصيده من على هذا البحر مبنيه
وان بغيت اعمل لها التقطيع بالميزاني= مااختلف ميزانها والشمس غير الفيه
الرمل يسقيه شعري لا غدى ضمياني = يرتشف ميّه ايلينه يرتوي من ميّه
والقصيد اليا كتبته فيه مانسّاني= حبي اللي ساكنٍ قلبي قبل عينيّه
وانت ياعمر المحبه والله اني ياني= اعشقك واموت في روحك وروحي حيه
القريض يفزلك والهاجس اليا جاني= صغت بك شعر الغزل والحب والحنيه
قلبي اللي من سكنته قفل البيباني= واختفى المفتاح مالك روحه ولا جيه
أذكر ان القلب راح لنجد والظهراني= وادفنه في نجد مدري في هوى الشرقيه
قلتله وينه وقال القلب وش درّاني= قلت يمكن شخص ثاني قال لا لا هيّه
ان بغيت أوصف جمال الغاليه ماامداني = أجمع التوصيف كله في حلى الريميه
الجمال العسجدي عن كل وصف أعماني= والوصوف اتغار لا جيت أوصف الحوريه
الوصايف قد وصفها (ناصر القحطاني)= ماعقب وصفه وصوف ولا وجدنا زيه
واسمها لاجيت أفتش عنه بالريحاني= كل حرفٍ من حروفه ضي يشبه ضيه
وان بغيت أبحث عنه بالدرسعي ودّاني = للحروف اللي تزيد القلب كيه كيه
وان بغيت أبحث عنه بالابجدي خلاني= أجمع احساب الحروف ويطلع أربع ميه
والحبيبه من هواها عارفه عنواني= والقلوب اثنين والنيه سوات النيه

الشاعر
عبدالله عوجان

الموضوع الأصلي: (الشعر عنواني) | | الكاتب: عبدالله عوجان | | المصدر: شبكة بني عبس

[أنكسارحلم]

لله درك يابن عوجان على هذه القصيده الرائعه

ابداع لايوصف معاني لامثيل لها قافيه جذابه


شاعر في معنا الكلمه الله يعطيك العافيه

يعجز السان عن اتعبير اتجاهك يا شاعر البعد


تحياتي

[عبدالله عوجان]

ألف شكر لك ياشاعرنا المحبوب ابو خالد
على مرورك وتعليقك
وبالطبع تعليقك على قصيدتي شرف لي
تحياتي لك

[سعد الرشيدي]

صح اللسانك

يابن عوجان على هذه القصيده الرائعه

وتسلم ولا تحرمنا من جديدك

اخوك سعد

[عبدالله عوجان]

شكراً اخوي سعد على المرور والتعليق
تحياتي لك

[بدر الحشية]

اقتباس من مشاركة ناصر الشويلعي لله درك يابن عوجان على هذه القصيده الرائعه ابداع لايوصف معاني لامثيل لها قافيه جذابه شاعر في معنا الكلمه الله يعطيك العافيه يعجز السان عن اتعبير اتجاهك يا شاعر البعد تحياتي

مشكور على النقل الرائع

[أبو نوح]

الله الله

صح لسانك ياعبدالله

مفردة عذبة وراقية تحمل إبداع منقطع النظير

لا يسبر أغواره إلا عبد الله عوجان

تحيتي وتقديري لك

أبو نوح

[عبدالله عوجان]

شكراً لكما اخواني بدر وابو نوح
على مروركم وتعليقكم
تقبلو تحياتي