[عبدالرحمن العويمري]

السلام عليكم ورحمة الله وبركاته

الله ماقسى وضعنا لو تمعنت=يحير اصحاب الفكر والبصاير
الى متى يالوضع باقي مثل مانت=وكلن يقول ان الزمن حيل جاير
الناس منهم قال والله تفننت=عندي فلل واجر بيوت وعماير
ومنهم فقير يقول توي تدينت=كسري كبير ولاتفيد الجباير
حاولت ستر الحال لكني ايقنت=اني على درب العنا والخساير
ومنهم مريض يقول لاماتحسنت=وماعادياتيني من الناس زاير
هذابسيط ومختصر لوتبينت=في وضعنا اللي مدري شلون صاير
يالله ياعالم بما اخفيت واعلنت=ياواحدن تعلم جميع السراير
ياعالم" بالحال يامن لك اذعنت=ياعالم"فيما تكن الضماير
يارب فيك اسلمت وبوجهك امنت=يالله تكفينا جميع الشراير
ورحمتك ياربي ولو قمت واحسنت=رحمتك لادارت علي الدواير
لامن رحلت وغسلوني وكفنت=وصلو علي وبان سرب العباير
ثم حملوني يم قبر"به دفنت=وراحو وخلوني وحيدن وحاير
وسمعت قرع نعالهم مالي الا انت=يارب تجعلني من اهل البشاير

اخوكم/عبدالرحمن سويلم الرشيدي

الموضوع الأصلي: وحيد ،،،،،،،،،،،،،،،وحاير | | الكاتب: عبدالرحمن العويمري | | المصدر: شبكة بني عبس

[سند الداموك]

صح لسسسسسانك نص راائع جداً شاعرنا

تحياتي وماننحرم من جديدك

[احمد منيف]

الله حسن الخاتمه

صح الله لسانك اخوي راقت لي

[أثير الشوق]

كعادتك شاعرنا الراقي لا تكتب الا ابيات في القمه ماشالله
صح لسانك ولاحرمنا حضورك الكريم

[أفــراح]

صح لســانك ويعـطيك العافيه على طرح القصيده
تقبل مروري ^ـ^

[نايف ابن عليثه]

صح لسآنك يالعشير ..