[محمدعبيدالعرعري]

قالت وهي عينها تملا فضى عينـي

وشفيك وأحترت مدري كيف أجاوبها

ضاعت حروف الكلام وقامت سنيني

تعرض على شاشة الذكرى مصايبها

اقول ولا أدفن اسباب الشقى فينـي

ماودي اجرح مشاعرهـا واعذبهـا

يارهبت الليـل غطيهـا وغطينـي

وأخفي عذاب السنين بعين صاحبها

حـرام الأيـام تشقيهـا وتشقينـي

وأحلامنا طـاري الفرقـا يخربهـا

تسأل وانا عاجز التعبير من حينـي

تاهت معاني حروفي فـي مواكبهـا

قلت اسمعي قالت اسكـت لاتعنينـي

قالـت عيونـك وبالـك لا تكذبهـا

أنـا رقيقـة مشاعـر لاتبكيـنـي

عش بي خيال القصيده قبل تكتبهـا

قلت أجرحيني على كيفش وداوينـي

جرحش لنفسـي ولافرقـا تعذبهـا

الموضوع الأصلي: معاناة شاعر واعجبي توصيفه في هذه الابيات | | الكاتب: محمدعبيدالعرعري | | المصدر: شبكة بني عبس

[صقلاوي]

تاهت معاني حروفي فـي مواكبهـا

[الضرغام]

كلمات جداً راقية


ولكن أعتقد أن مكانها المناسب ليس هنا

[مسندالعويمري]

صح السان شاعرها وشكرا لي ناقلها

وسمحلي بنقله هنا

[عبدالله العرعري]

قصيدة راقيه وجميله واتفق مع اخوواني بوضعها بالمكان المناااسب ولاهنت اخوووي محمد على كل حاااال