[سعد الشقل]

السلام عليكم ورحمة الله وبركاته

كما وعدناكم بكل ماهو جديد لشاعر المبدع / فهد بادي الشقل

اليكم هذه القصيده واتمنى ان تنال اعجابكم

(( قفــا زمـانــي ))

لا والله ألا بــراد اليــوم لاهــوبــي = قفـا زمانـي مـع الايـام بحبابـــه
يكتب خطايا على الوجدان بأسلوبي = يجرح مكانن خذاه الوقت ماجابه
هبهب عليه وكن الجرح منصوبي = ما مال غصنه على الحسنات بكتابه
نسناس ما يعـذر السيـات بعـيوبي = اسـتاذ ينشـد عـن التـلميـذ بـغيـابـــه
تليمذه إلي عـن الغلطات مايتوبي = لازم يـعرف السـؤال منيـن يبـدابــه
سود الليالي غثاها صار محبوبي = رمشن تسلهم على الحجان بهدابـه
يطلب عنـايه وياخذ شف مطلوبي = شرع لقلبي على الشرهات من بابه
خطيت له دمع عيني فوق مكتوبي = وارسلت له شاكي الجرحين واعتابه
واحد شكيته على العذال مغصوبي = وواحد كتمته من اللوعات باسبابه
ارسلتله خطي إلي غاب بغروبي =ضاع الجدى يوم ضاعت شمس عنابه
ماني موفر مشاويري عن دروبي = امشي طريقي مع العثرات واشقابـه
درسن خذيته عليه العطر مسكوبي = ليتـه عرف يوم شم العطر بثيابـه

الشـاعـر // فهــــد بــادي الرشيـــــدي

الموضوع الأصلي: قفا زماني لشاعر فهد بادي الشقل | | الكاتب: سعد الشقل | | المصدر: شبكة بني عبس

[سعد الفلاح]

:p :p :p :p :p

أخوي سعد لاتحرمنا من أبداع الشاعر فهد وأنا من أشد المعجبين في قصايده وتسلم يمينك على النقل ولاهنت يلغالي

;) ;) ;) ;)

[ابوعالي الرشيدي]

صح السان شاعرها

والله لايهينك على نقلك
المميز

[عايض بن صالح]

لاهنت ياسعد الشقل على هذا النقل الموفق

وصح السان الشاعر

تقبل تحياتي

[أبونواف]

السان شاعرها

والله لايهينك على نقلك
المميز

[سعد الشقل]

سعد الفلاح... ابو عالي.. ابو نواف .. ابو صالح

شاكر لكم المرور

[سعد البويدي]

صح السان شاعرها فهدبادي

والله لايهينك على نقلك
المميز

[سعد الشقل]

صح بدنك

حياك الله اخوي سعد

وشاكر لك المرور