[محمد بن سلمان]

البارحة مابين غايـب وموجـود=محتار بين المبهمـه والفصيحـة
اغيب وابعد تالي الليـل واعـود=واشطب على اللي كاتبه بالصفيحة
وادور حول الباب والباب مردود=حتى عرفت ارموزقفل الشريحـة
ودخت لي بيتٍ به زهور وعقـود=ونجلا ومستوره وريـم وسميحـة
بيضٍ وحمروسمر وعيونهن سود=اشكال بس الكـل منهـن مليحـة
بذلت في تذليلهـن كـل مجهـود=يوم انها بانـة خطـوط القريحـة
يوم انجبن مني زمـرد وبـارود=سريت بين الطايحـه والجريحـة
وجنبتها عن غطرسة كـل بالـود=وعرضتها لفجوج نجـد الفسيحـة
عندي ثقه بالسيف ابوحد مجـرود=يطيح من سرج الاصيلـه نطيحـة
لكن لي شيمه عن الطفل والعـود=واللي معاشرها يجيب الفضيحـة
عشقت عنها كل ماذعـذع النـود=غديرٍ ازرق بين سـدره وشيحـة
ونارٍ عليها يابس السدر منضـود=ومزوح بين اهل النفوس الصريحة
اللي خطاهم دايـمٍ ماهومقصـود=اهل المواقف والفعول الصحيحـة
والادمي يسعى وله يوم موعـود=ياسعد من قالوا عسى الله يبيحـة

محمد سلمان الوهيداني الرشيدي

الموضوع الأصلي: عسى الله يبيحه | | الكاتب: محمد بن سلمان | | المصدر: شبكة بني عبس

[برق الوسم]

الشاعر محمدسليمان الوهيداني
صح لسانك قصيده رائعه من شاعر رائع
تقبل مروري

[سويلم مناحي]

الشاعر محمدسليمان الوهيداني
صح لسانك قصيده رائعه
تقبل مروري

[ابراهيم الرشيدي]

صح السانك

قصيده جزله وراااااااااائعه

تسلم يمينك

تحياتي لك

[أبو نوح]

صح لسانك يا محمد

على هذه الشامخة

[مرزوق العجوني]

صح لسانك يامحمد ولا هنت وتقبل مروري

[الوافي99]

صح لسانك اخوي محمد وقصيده رائعه
تقبل تحياتي

[سلمان]

يوم انجبن مني زمـرد وبـارود
سريت بين الطايحـه والجريحـة
وجنبتها عن غطرسة كـل بالـود
وعرضتها لفجوج نجـد الفسيحـة
عندي ثقه بالسيف ابوحد مجـرود
يطيح من سرج الاصيلـه نطيحـة
لكن لي شيمه عن الطفل والعـود
واللي معاشرها يجيب الفضيحـة


الله الله الله

صح لسانك وسلم بنانك