[ممدوح العريض]

السلام عليكم ورحمة الله وبركاته ...
هذه القصيدة أهداء لـقبيلتي بني رشيد ( عبس ) وشبكة بني عبس - قلعة المجد والتاريخ - واعذورنا على القصور .

ربــــــــــــــعي بنــــــــــــي عبـــــــــــــــــس

ياموتري لاهنت والدرب سيدين = اقطع مسافات الدروب الطويلة
هي عادتك ماعودوك المساكين = معودك ذيب يعاف الهزيلة
ذيب لياصكت عليه الميادين =شد الرحال وكل ذيب يعوي له
نبي ديار مطوعين السلاطين = اهل الكرم واهل الفعول الجزيلة
اللي مواقفهم على العسر واللين = اهل الوفا كان الوفا له قبيله
زبن الدخيل مروضين المعادين = يوم الملاقى بالسيوف الصقيلة
كبيرهم لافز يسوى ثمانين = وصغيرهم تقصر عليه الطويلة
ربعي بني عبس الكرام الميامين = لياحتمت ريف القصير ودخيله
طبعٍ لنا متوارثينه من سنين = خوينا لاطاح واجب نشيله
غصب على اللي يطففون الموازين = اهل الحسد واهل النفوس الثقيلة
ماهو قصور في القبايل ونعمين = كلٍ وله تاريخ يذكر حصيلة
الله يقويني واردلهم الدين = والله يقويهم على المستحيله

ممدوح العـــــــــريض

الموضوع الأصلي: ربعي بني عبس | | الكاتب: ممدوح العريض | | المصدر: شبكة بني عبس

[خاتم الرشيدي]

بيض الله وجهك ياممدوح العريض وصح السانك
وعلى شانك قصيده شامخه وجزله وافيه
من رجل شامخ وجزل وافي
سجل اعجابي

وتقبل خالص الود وتقدير

[.فيصل الذيابي.]

ممدوح العريضي
اذا قلتلك انت اكثر من رائع اشوف اني مقصر في حقك
الف شكر الف شكر على هذا الابداع مع تمنياتي لك بالتوفيق
اسمك رسخ في ذاكرتي واتطلع لجديدك
وتقبل تحياااااااااتي
فيصل الرشيدي

[ممدوح العريض]

خاتم الرشيدي اشكرك على مرورك الكريم وإعجابك فخر لي
واشكرك مرة ثانية .
~فيصل الرشيدي~ لو لم اجد لنفسي جمهورا غيرك لكفاني اشكرك جزيل الشكر
وتقبل تحياتي ...

[خلف العايضي]

مرحبا مليوووون ياممدوح يالله حيه . . . مشاقين لكم

صح السانك وبيض الله وجهك على هذه الجزله ياراع الجزيلات

تقبل ودي وتقديري

[الوافي99]

صح السانك شاعرجزل
وافي وانا من دئم ينتظر
جديدك
ياممدوح مسعد العويمري

[مرزوق العجوني]

صح لسانك ياممدوح ولا هنت وتقبل مروري

[سمو الروح]

صح الله لسانك أخوي العريض
ويستاهلون بني عبس

كبيرهـم لافـز يسـوى ثمانيـن

وصغيرهم تقصر عليـه الطويلـة

ربعي بني عبس الكرام المياميـن

لياحتمت ريف القصيـر ودخيلـه

طبعٍ لنا متوارثينـه مـن سنيـن

خوينـا لاطـاح واجـب نشيلـه