[كهل الصباء]

يسعد صباح الجميع...

عودة للأطلال مرةُ أخرى:



يا دار؟

ما راح من سالف الأيام؟ ما هو بجاي=والعمر لو طال لإبن آدم...مرده قصير
مات العزاء يا معزيني..ولحقه رجاي=واليأس عن مقبل الأيام جأني نذير
ومات الصبر..والبقاء بالجرح...يا مرتجاي=لعلهم فدوة لجرحي من أغلى عشير
قلطت جرحك على نارك...وقلت لحشاي:="الجرح لولا قدر راعيه؟ ما صار غير"
حشمت جرحك وأنا مأرجي بوصلك رواي=لكن لقدرك يهون المستحيل العسير
أتبع سرابك وأعرف إنه ما يقطع ظماي=لكن لعله يشد العزم..وألقى غدير
منيت نفسي وعيت لا تثق في مناي=وأتعبت الأقدام يا مناها وطال المسير
ووصلت الأطلال...لكن ما عليها سواي=قفرٍ خلية..ورثها البوم وأعلى الصفير
أبكي وأنادي عليك..ولأسمع ألا صداي=يتخلل أطلالك اللي ما تسر النظير
يا دار؟ عهدي بأعز الناس..بأول صباي=لا حب غيري...ولا له بالمحبة خشير
قطعت وصلي وداعٍ له..ولا قلت:باي=سريت في غفلته يا دار عقب الأخير
ورغم إني أتوقع الأسواء؟ تسارع إخطاي=على طريق الضياع اللي يحجب المصير
موجهن وجهي لوجهة عناي وشقاي=أمشي وأهرول شوي...وودي شوي أطير
ونين قلبي أحسب إنه لا سجيت:ناي=وحشرجة الأنفاس:معزوفة شهيق وزفير
أقطع مسافة...وأقف لحظة...وأعاين وراي=أتسمع لوقشه...أظنه خلافي يسير
أساير الوسوسة...وأشرف على منتهاي=وأجبر رجولي وأنا أعرف إن وضعي خطير
وماتت يا دار...المعاذير...وتعظم بلاي=وقعدت أكابر وأنا أشوف المكابر حقير
لاااا أرضٍ:تقل...ولا يظل عقبه سماي=والعيش أشوفه عقب فرقاه:ما فيه خير
يا دار؟ شفت الخطأ مني على مبتغاي=عز الله أخطيت في حقه...وقدره كبير
و لو إن ما تملك يديني يكفر خطاي؟=ما قلت:هذا على تكفير ذنبي كثير!

كهل الصباء

الموضوع الأصلي: رغم إني أتوقع الأسواء.... | | الكاتب: كهل الصباء | | المصدر: شبكة بني عبس

[ذيبان الرشيدي]

الله درك

ياكهل الصباء

مبدع في كل حالاتك

نص متميز

وجميل

وآخاذ وسااحر

للمتذوقين

سلمت أناملك على ماسطرت

وسلمت هواجسك

على

ماأبتكرت

يُثبت من قبلي


تقبل
ودي ووردي
و
جلــ التحيهــ والسلامــ
ذ
ي
ب
ا
ن

[سيف عبس]

صراحه يعجبني في قصائدك ياكهل الصباء

اذا كانت على نفس هذا النهج (الموضوع) هنا يكمن ابداعك

تقبل مروري


وقصيده في غاية الروعه

[مرزوق العجوني]

صح لسانك يالاستاذ ولا هنت على الرائعه وتقبل مروري

[مسندالعويمري]

أبـكـي وأنــادي عليك..ولأسـمـع ألا صـــداي
يتخـلـل أطـلالـك الـلـي مـــا تـســر النـظـيـر

كهل الصباء صح السانك مبدع ك عادتك وحضور شعر مع معنات مغلفه بكثير من علامات الاستفهام

[ولــد خــلف]

ونـيـن قلـبـي أحـســب إنـــه لا سجـيـت:نـاي-وحشرجـة الأنفاس:معزوفـة شهـيـق وزفـيـر

صح لسانكـ ياكهـــــل قصيده حلوووه

تقبل اعجابي وانتبه لعجز البيت السابق ترى وزونه

مش ولابد

ودمت كما تحب

[bfr1400]

و لــو إن مــا تمـلـك يديـنـي يكـفـر خـطـاي؟

مــا قلـت:هـذا عـلـى تكـفـيـر ذنـبــي كـثـيـر!

صح الله لسانك أخوي /كهل الصباء

ولاهي غريبه البيات الاكثر من رائعه عليك

وتقيل مروووري أخوي

فديتك..&

[شامخ الشامخ]

لله درك

ولي عودة

اخوك ابو نايف