[نهر الأحزان]

اللي تودع ضناها العام مبتسمه=قالت عساه الذهاب ان مارجع داسم
ماعلمتنا عن الموقف متى حسمه=لا انتظروا أصحابه اللي ربهم قاسم
السالفه طولت والناس منقسمه=يالله بنصراً عزيز وموقفٍ حاسم
لا والله إلاّ غدينا وجبةٍ دسمه=مادامها وصلت الدعوى لبو القاسم
يكرم عن الحالمين بوصفه ورسمه=تخسى الرسومات واللعنه على الراسم
اللي تجرت يدينه عرفو بأسمه=هي مابعد ذاقت الميسم من الواسم
وش يامر الشيخ فيه ان غابت البسمه=والله مايصبح إلاّ والثغر باسم
ان ثار ( مليار ) والجاني وجب وسمه=كلٍ مصيره مع أهل الخير متقاسم
وان لانت الريح نسمه في قفى نسمه=يكرم ويكرم ويكرم وجه ابو القاسم

شاعر العــــــــــــــــرب// ناصر القحطاني

الموضوع الأصلي: شاعر العرب وأبا القاسم | | الكاتب: نهر الأحزان | | المصدر: شبكة بني عبس

[العماري]

القصيدة جميلة من شاعر جميل


وهو شاعر الابداعوالخيال


والقصيد ة يزداد جمالها بمن كتبة بة
وهو اشرف من وطئة رجلة الارض


اللهم صلي علي محمد وال محمدوجمعنا معة في جنات النعيم

[عابد الرشيدي]

صح السان الشاعر ناص القحطاني

ويعطيك الف عافية على نقلك الرائع

[نهر الأحزان]

اشكر لكم مروركم وتعليقكم
وانتظرو شاعر العرب دايما مع
نهـــــــــــــــــر الاحزاااااااااان

[عبدالله عوجان]

لاوالله الا غدينا وجبةٍ دسمه = مادامها وصلت الدعوى لبو القاسم

اللهم صل وسلم عليك يارسول الله


ناصر رائد من رواد الشعر

شكراً نهر الاحزان

[نهر الأحزان]

شكراً لكم دائماً

[شاعر الجن]

افضل قصيده قرأتها دفاعا عن النبي صلى الله عليه وسلم

[نهر الأحزان]

عبدالله شكرا شكرا