[رويبح رباح العويمري]

ياخليف براس الرجم عييت أعدى=وأونست أنافي مشية الرجل تقصير
واليوم ممشاها نقص ومتردي=من عقب مانمشي على الرجل ونغير
مثل الجزور اللي تٌثُوُتْ تردِي=ماتنوض لو ترعى من العشب نوير
من عقَب التسعين مابه مسدي=مثل الطويراللي يدورج ولا يطير
فارق ركوب مزهيات الآشدي=لاجاذب دلو ولاشرب من بير
متكعمس يتنى نواله يمدي=النفس صغرت والجسم غاد صغير
يمشي على العجرى يحوز ويضدي=وركب على عيونه قزاز ومناظير
وجداه يادورا لنا لو يردي=يوم البداه ومنزلن بالعثامير
بيوت بدو وبابهم مايردي=وبيوتهم شغل البنات الغنادير
هوريف طرقي الخلا المستحدي=زبن الضعيف وريف ضيف ومسايير
اليا لاحبرق وصوتوا بالمشدي=عسوسهم قدم السلف والمظاهير
وقدم السلف كلن بطيره يهدي=ومع النشر يازين نح الصقاقير
يبون طراةعشبها مستجدي=بركون حزمن مدهل للخواوير
اللي عرقهن عنبرن فيه ندي=وأخير من ريحة زباد بقوارير
عزالله انه ريف قلبي وودي=بجفريتن ياخليف غنى بها الطير
من نو براقن خياله مسدي=وعطورهاعشب النفل بالمحايير
واليوم طحنا طيحتن مانشدي=وبنيت قصربقبلة الغرس والبير
ودنيا كفى الله شرها ماتمدي=وين انت وين احبابنا اللي بهم خير
اللي على كل اللوازم تسدي=اهل الشرف واهل الوجيه المناوير
وجتهم مفرقه الغلا والمودي=ورسومهم تبني عليها المعاصير
وراحواولامنهم سلامن يردي=بحكمة الواحد ولي المقادير
وباكرترانامع بثرهم نشدي=يارب تامرناعلى كاتب الخير
ومن مات يضرب دربهم مايصدي=ويفارق الدنيا مراح ومشاوير

الموضوع الأصلي: الشاعررابح دحيلان العويمري | | الكاتب: رويبح رباح العويمري | | المصدر: شبكة بني عبس

[ثاري الشنيني]

السلام عليكم ورحمة الله وبركاته

مشكور اخوي ولد ابوه على النقل

تحياتي للشاعر الكبير / رابح بن دحيلان العويمري


دمتم بود

اخوك / ثاري الشنيني

[سعد بن عادي]

رائع ولد ابوه في نقلك



دمتم كما تحبون

[رويبح رباح العويمري]

الاخ ثاري الشنيني شكرا لك على المرؤررررررررررررررررررررررررررررررررررررررر

[رويبح رباح العويمري]

سعد بن عادي شكرا لك على ذوقك الراقي

[يحيى العويمري]

مشكوووور ولد ابوه والقصيده هذي فيها من الحكم الكثير ومن العبر الاكثر تحياتي لك على النقل الرائع
واعذب التحايا للشاعر الكبير رابح بن دحيلان .
اذا ماني غلطان ان فيه رد على القصيده هذي صح خخخخخخخخخخ نبيها ياولد ابوه اذا هي حولك او يحضرك منها شيئ

[رويبح رباح العويمري]

الاخ يحيى العويمري مشكور على مرورك ويوجد مردالشاعر خليف اباالطيور ولاكن لايحضرني المرد

[يحيى العويمري]

مشكووور ياولد ابوه ماقصرت انشالله تلقى الرد
تحياتي