[///ابوخالد///]

بسم الله الرحمن الرحيم

السلام عليكم ورحمة الله وبركاته
احبتي اعضاء هذا الكيان الرائع بأدارته ومشرفينه واعضاءة احببت ان اتشرف بنقل قصيده للشاعر الكبير

لافي حمـــــــــــــــــــــــــود الغيــــــــــــــــــــداني

-----------------------------

لعل السحاب اللي مـن البعـد دوبـه واق
على حد الارض من السما تسبر اعناقـه

على ديرة دونـه جنـوبٍ عنـه ينسـاق
تقفـاه وتلمـلـم شتـاتـه وتستـاقـه

ذعاذيـع ريـحٍ ماتشيـل وتـحـط رواق
يصحبها شوية عنـف وانسامهـا رقاقـه

لو تمر بيـت البـدو مترامـي الاشنـاق
تهـزه شـوي شـوي ماترمـي رواقـه

تسوق السحاب بدبرة المانـع .. الـرزاق
إلـهٍ عبيـده تطلـب رضـاه وعتـاقـه

ولامنه تسـاوى فـوق دارٍ غلاهـا فـاق
حدود الغـلا .. تستـأذن الريـح لفراقـه

يقر ويسر البال .. والعيـن .. والخفـاق
ويلجّّ رعده .. ويرفرف البـرق بأشناقـه

من بعيد برقه يسهر المسنـي المشتـاق
هكاالليل يقضي كـل ليلـه علـى ساقـه

كاانـه يقـول ليانتفـض برقـه الشعـاق
على الهون تكفـا ماعلـى قلبـي لحاقـه

وصلها وباشرها علـى غيبـة الاشفـاق
جـلال مطـره مايعطـي الوقـت لدقاقـه

تضيق بسخاه الاوديـه والفضـا ماضـاق
بغيمه .. وهتانـه .. ورعـده .. وبراقـه

يمد الجذع بالوصل .. والغصن .. والاوراق
بعد مااشتكى من هجره الغصـن لوراقـه

شهر .. ويتجاور فيه راعي غنم .. ونياق
بربله .. وحوذانه ضحـى تشبـع الناقـه

تكحـل بنبـت فياضـه العطـره الاحـداق
من يشوف نبته يشكر الله علـى ارزاقـه

شذا نبـت ريضانـه ماينبـاع بالاسـواق
مايجمع شذاها مع بعـض غيـر خلاقـه

تجـلا بتنويـع الزهـر قـدرة الـخـلاق
تلاويـن نبتـه تأسـر قلـوب عشـاقـه

ربيعه .. وغدرانه .. متى مانهمر دفـاق
لـدارٍ لهـا كـل الاحاسـيـس تـواقـه

سلامي عليها من اولـي لاخـر الارمـاق
ولها صادق الاشواق باقـه .. ورا باقـه

غلاها وسره دافنه فـي ثـرى الاعمـاق
وأكيد الغلا ماجا مـن البـاب .. للطاقـه

اخوكم ///ابوخالد///

الموضوع الأصلي: لافي الغيداني | | الكاتب: ///ابوخالد/// | | المصدر: شبكة بني عبس

[أنكسارحلم]

وعليكم السلام ورحمة الله وبركاته

اخي ابو خالد..اولا حياك الله في منتديات قبائل بني رشيد
ثانيا..صح السانك ولسان الشاعر الكبير لافي الغيداني
وهو شاعر معروف ولايحتاج تعريف.واقول ونعم في شعراء حرب كلهم
ولانستغني عن مثل قصائد هذا الشاعر نتمنى منك المواصله.وتنزيل ماتعرف من قصائد له.


تحياتي

[مرضي الداموك]

أبو خالد


لاهنت على النقل الله يعطيك العافيه



وصـــح لسان الشاعر لافي الغيداني


تحيتي لك

[الاجهر]

مشكور قصيدة جزلة

[///ابوخالد///]

ناصر الشويلعي
مرورك شرف ووسام اضعه تاج افخر به بين هذه الصفحات الرائعه
لك مني كل اتقدير والاحترام
اخوك ابوخالد

مرضي الداموك
شكرا لك
اخوك ابوخالد

الاجهر
لاهنت على المرور العطر
اخوك ابوخالد