[سعد الشقل]

السلام عليكم ورحمة الله وبركاته

حبيت انقل لكم القصيده لشاعر المبدع عايد خلف الرشيدي

القلب ريشة غصن والجرح صعلـوك=وهالمشكلـه ماهـي علينـا جـديـده
والشعر لامن سال والقـاف محبـوك=يصبح عضيدي قبل لاصبـح عضيـده
وانـا تـرى لادك بالـراس داكـوك=قلـت ايـه هيـن والبقـاء بالقصيـده
تفضلـي مابيـن فزعـات وبـنـوك=ويلعنـك شخـصٍٍ مايشيلـك رصيـده
حلّي هـلا مابيـن شجعـان وملـوك=ومابيـن فـارس قـوم وإلا عقـيـده
اسياد شعر وسامـج الهـرج متـروك=وقصيدنـا للغيـر يصـبـح عقـيـده
ربعٍ يكفـي لنتخـى الواحـد وجـوك=خلوا عزيـز القـوم يـا كـل رديـده
( رشايـده ) يالعنبـو نـاس ربـوك=أهل الوفـاء وأهـل الفعـول الأكيـده
واهل السياده واسـأل اخـوك وابـوك=عن ( عبس ) عن ماضي عصورٍ تليده
يوم الشجاعه سيـف ماهيـب بالبـوك=يوم النخـل يضفـي عليكـم جريـده
يومٍ جـدك كـان لـي عبـد مملـوك=بصبع يروح وبصبـع آخـر اعيـده
واليوم اشوف الحر قد صار مشبـوك=والمصخـره صايـر علينـا ولـيـده
الله يخارجـنـا وابـقـول مـبـروك=للـي طموحـه صورتـه بالجـريـده
حبيت اوضح كـان بالهـرج غـروك=وأوجـز لـك الواقـع بجملـه مفيـده
ومادام صـارت كلهـا مسألـة بـوك=هـالـسـالـفـه مــاهـــي.....جديده

الموضوع الأصلي: رشايده يالعنبو ناس ربوكــ <= عنوان مجرم ههههههههه | | الكاتب: سعد الشقل | | المصدر: شبكة بني عبس

[عبدالسلام المهيمزي]

تسلم ياسعد ولاهنت

[سعد الشقل]

الله يسلمكـ

شاكر لك المرور

[عيسى المويسه]

صــح السان الشاعر

عايد مخلــف

ولاهنت على النقــل الرائــع



قصيدة رائــعه



لك تحيتي



...

[مـآجـد]

صح السانك اخوي سعد

انا شفت العنوان وجيتك طاير ههههههههههه

يعطيك الف عافيه وتقبل مروري

تحياتي

[أبن علي]

الله يعطيك العافية يا سعد على هذا النقل الرائع وصح لسان الشاعر عايد الرشيدي

[أبونواف]

تسلم ياسعد ولاهنت

[*العبسي*]

الله يعطيك العافية يا سعد على هذا النقل الرائع وصح لسان الشاعر