[زوبعة فكر]

.,,.,.,.,.,.,.,.,.,.,.,.,.,.,.,.,.,.,.,.,.,.,.,.,. ,.,.,.,.


عندَما يَتحسسْ الشعرْ أماكنْ الوجعْ يضمحلْ الألمْ ولا يختفي

ويسكنْ الوجعْ ولا يزولْ وتَنطربْ العقولْ بأهازيجْ الأبيات الفريدهْ

المُرصعهْ بالغموووضْ لتتضحْ الرؤيا فقطْ لمنْ يعنيهْ الأمرْ.


تلكَ هي أبياتْ إبن فطيسْ المري الذي تتهادىْ على مسَامعنا كالبحرْ

الهائجْ بالحروفْ بالشكل السهل الممتنعْ.


لكمْ هذه الأبياتْ ولكمْ مخارجها ومداخلها.



مافي المثايل شـرد لاجيـت بقـول
ولا أعدها الا في مراحـي منايـح

تجتال في عقلي مثل جولة الجـول
وأدوج فيهـا جـاي وأدوج رايـح

أصول في القيفان لا احتجت وأجول
وأختـار فيهـا خيرتـي فالذبايـح

وأحدد المقصـود وأقـول وأطـول
واخيـر بيبـان القصيـد النصايـح

لكن باب النصـح ذالحيـن مقفـول
دامه مارد اللي عن الـدرب شايـح

ياللي لك البارح مزاميـر وطبـول
وناس تحسب ان القصيد المصايـح

صاحي وتلبس للعرب ثوب مهبـول
وبنيت لك شهره عمدهـا الفضايـح

بنيتها تبغـي ذراهـا علـى طـول
وقامت عمدها فوق راسـك تطايـح

اذا تقابلـنـا فعـاقـل ومعـقـول
وان رحت جاني من طوارفك صايح

واللي تنيشن لك علينا وهـي حـول
وتغـرّك بتصفيقـهـا والمـدايـح

وتعطيك صفحات بالعرض والطول
وتضيـع السـاري بفَـرّ اللـوايـح

لو الشعر منهـا مصفّـا ومشخـول
ماشيف صدر الحلم بالغيـض فايـح

اخطيت في حق النشاما قبل حـول
وخلوك حشمـه فالبلاديـن سايـح

وعدت الخطا كنّك تحسب انهم خبول
ولا خفاهم فـي القصيـد الروايـح

لحقت بلسانك اهل هجـن وخيـول
اللي جميع خرفانهـم لـك سبايـح

حصانهم ذيله مـن الريـح منسـول
وبيرق هله يكفخ ولا شيـف طايـح

وتلحق بيوتك عذر ماهوب مقبـول
قد سدّ صبر اصبر هل الصبر بايـح

وذلحين قد راسك مابين ألحي فحول
والبرق فوقك كل كـم يـوم لايـح

كانك تبي دفن البحر فأنـت مهبـول
تطلـع عليـك السالفـه بالجوايـح

حتى ايش لو تاصل شهرة ابو الهول
وش خانة الشهره وهـي بالفضايـح




الشاعر: إبن فطيس المري شاعر المليون


.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.

الموضوع الأصلي: جَمال الشعرْ بغموووضه | | الكاتب: زوبعة فكر | | المصدر: شبكة بني عبس

[خاتم الرشيدي]

صح السان ابن افطيس شاعر علم
وشاعر له الجماهير والمحبين من كل
القبايل ومليون نعم ببن افطيس وربعه
واشكرك اخي زوبعه على الاختيار ونقل
الجميل وتستاهل الختم قصيدة ابن فطيس

تقبل خالص الود وتقدير

[موج البحر]

صح السان شاعرها ابن فطيس
وسلمت يمنى ناقلها
اتمنى تثبيتها لمالها من مكانه هذه القصيده
هي وشاعرها وناقلها
تحـــــــــــياتي

[خالدالمهيمزي الرشيدي]

صح السان شاعرها ابن فطيس
وسلمت يمنى ناقلها

[عاشق الصحراء]

صح السان ابن افطيس شاعر علم
وشاعر له الجماهير والمحبين من كل
القبايل ومليون نعم ببن افطيس وربعه
واشكرك اخي زوبعه على الاختيار ونقل
الجميل وتستاهل الختم قصيدة ابن فطيس

[سالم الرشيدي]

صح السان شاعر المليون محمد ابن فطيس



كانك تبي دفن البحر فأنـت مهبـول
تطلـع عليـك السالفـه بالجوايـح

حتى ايش لو تاصل شهرة ابو الهول
وش خانة الشهره وهـي بالفضايـح



بيض الله وجهك اخي زوبعه فكر على الاختيار الاكثر رووووووووعه

[فتى كسلا]

صح لسان ابن فطبس
وسلمت يمنى من نقلها

وبانتظار ذوقك يذووووووق