[رشيد]

وين أنت ياللي يشرح البال طاريه

* وين أنت ياللي لك مقر بفوادي

ما له شبيه ومنهو اللي يحاليه

* وماله مثل فالحضر والبوادي

أساير الأفكار والقلب أعزيه

* فاللي كوى قلبي بنار البعادي

حتى قصيدي يرثي اليوم غاليه

* في غيبتك شعري كساه السوادي

أمشي على الجره وصوتي يناديه

* أبعد وعقبه ما هنالي وقادي

أرخصت عمري دون عمره ومغليه

* فيه الجمال وهادي الطبع هادي

ما غيرك أحد صار قلبي مصافيه

* في غيبته ما طاب شربي وزادي

آمر وأنا اقول لك حاضر ولبيه

* لو تطلب عيوني ترى الوضع عادي

والصبر طال ولاني اليوم قاويه

* في غيبتك ذقت العناء والجهادي

حل الفراق وكنت ما نيب ناويه

* واليوم في وادي وخلي بوادي



اسم القصيده وشاعرها :
" وين انت "
للشاعر / صنيتان فيحان العتيبي

الموضوع الأصلي: وين انت | | الكاتب: رشيد | | المصدر: شبكة بني عبس

[@كحيلان@]

صح لسان شاعرها والله يعطيك ألف عافيه
على النقل الرائع
وحنا في أنتظا ر جديدك
والله لايهينك