[نــواف العويمري]

مساء الخير وصباح الخير لكل اعضاء وزوار منتديات قبايل بني رشيد (( شبكة بني عبس )) الكرام

هذي قصيده جديده من قصايدي المتواضعه أتمنى ان تنال اعجابكم

الليل ياللي تسهر الليل خسران=لاصار مايسامرك ضاف الجديله
مالك ومال مسامر(ن) فيه نقصان=نقص ومضره والفوايد قليله
والنومسه مالها سنع وسط جدران=لاصرت ماترقا لراس الطويله
وإن كان ماحطيت للشئ حسبان=إعرف تراك تروحله وتعنيله
وعليك تكثر هرجة فلان وفلان=وتصير مثل اللي مضيع دليله
والحنظله مخلوقت(ن) مثل الإنسان=لكن عنه تفرق ولاتنتميله
من بينهم فرقاً كما بعد الأوطان=وفيها الشبه لأهل الردى والرذيله
وأنا تشجعني على الشعر الأوزان=وأغوص فـ. بحور المعاني الجميله

وســــلامــــتــــكــــم

الموضوع الأصلي: اللـــيــــل للــشـــاعــر/ نــواف العـويــمــري | | الكاتب: نــواف العويمري | | المصدر: شبكة بني عبس

[عايض بن صالح]

صـــــــــــــــــــح الســـــــــــــــانك يـــــانـــــــــــواف العويمري

على هذه القصيده الجميله

تــــحياتــــــــــــــــــــي

[ابوباسم الذيابي]

صــــــــــح الســـــانك يـــانــــواف العويمري القصيده رائعه الله يعطيك العافيه

تقبل تحياتي

[ثاري الشنيني]

وإن كان ماحطيت للشـئ حسبـان
إعرف تـراك تروحلـه وتعنيلـه

بيض الله وجهك

دائما قصايدك في منتهى الجمال اخوي نواف

[نــواف العويمري]

اقتباس من مشاركة ابوصالح الشويلعي صـــــــــــــــــــح الســـــــــــــــانك يـــــانـــــــــــواف العويمري على هذه القصيده الجميله تــــحياتــــــــــــــــــــي

صح بدنك ابو صالح الشويلعي

والله يعطيك العافية على ردك الرائع

[نــواف العويمري]

اقتباس من مشاركة عوض الذيابي صــــــــــح الســـــانك يـــانــــواف العويمري القصيده رائعه الله يعطيك العافيه تقبل تحياتي

صح بدنك عوض الذيابي

واشكرك على مرورك المميز

تقبل تحياتي

[نــواف العويمري]

اقتباس من مشاركة ثاري الشنيني وإن كان ماحطيت للشـئ حسبـان إعرف تـراك تروحلـه وتعنيلـه بيض الله وجهك دائما قصايدك في منتهى الجمال اخوي نواف

وانت بيض الله وجهك يا الشنيني على مرورك الرائع

وردك الجميل

تقبل تحياتي

[عبدالعزيزالعويمري]

والحنظله مخلوقت(ن) مثل الإنسان
لكـن عنـه تفـرق ولاتنتميـلـه
من بينهم فرقاً كما بعـد الأوطـان
وفيها الشبه لأهل الردى والرذيلـه


صح لسانك قصيده جزله من شاعر جزل

دائما مبدع

بصراحه شهادتي فيك مجروحه