[خليف الوهيداني]

ارسلت لك عدت قصايد ولا بان=نشر وانا اشري كل يوم الجريده
عطنا خبر عجل ترا البال عمسان=ياهل المواقف بالليال الشديده
وش اسبب قلي ووش فيه غلطان=وكيف القصيد اللي تود وتريده
عطنا الغلط بالوزن والاباللحان=اما نعدل فيه والا نزيده
الشره على الطيب ليا صرت زعلان=وعن الردي شرهات نفسي بعيده
من فوقها انتم بالفعل يابن قحطان=ماهو بنشر(ن)بالجريده قصيده
جيتك زعل جيتك من الغيض بركان=اضرب حديده في صفاه وحديده
مافيه نار بدون جمره ودخان=ولاينصرف شيك(ن)نزل في رصده
عيني تشوف وساحة الشعر عنوان=عزاه يالون الحياه الجديده
حلوه جميله بس فيها عمى الوان=بابو ظبي كنك بوسط الحديده
من يوم قام يقيم الشعر غسان=ووزع على كل الموقع بريده
وصفق ورا غسان ناس(ن)بلا شان=وضحك وناسه والجمل فك قيده
وكثرت بهذا الوقت سئات وحسان=نفس(ن)تموت افراش واخرى شهيده
واحدن على ماقيل راح بخبر كان=واحدن شقي واحدن حياته سعيده
اكتب شعر واضبط الحان واوزان=وان ما انضبط شطر القصيده اعيده
ولو هتفت نفسي على فلان وفلان=عنهم تصد ابها الشيم والعقيده
ماتحرك اشعوري حكايات بزران=وطير الحمامه ماهو للحر صيده
مرت بنا القدار مع كل الوطان=سبحان من فرق مذاهب عبيده
احدن خوي شر ونكاده وحقران=وعند الخوي بعده وفرقاه عيده
واحدن خوي وحزت الضيق مزبان=مع الخوي وقت الشدايد وليده
واحدن نهاره ضحك والليل سهران=بايه وصافيت(ن)من الطيب ايده
وسوالفه مع شلته تقل نسوان=وكل العلوم الخايبه ماتكيده

الموضوع الأصلي: عطنا خبر عجل ترا البال عمسان | | الكاتب: خليف الوهيداني | | المصدر: شبكة بني عبس

[سعد الرشيدي]

صح اللسانك

الشاعر المتالق

خليف الوهيداني

وبيض الله وجهك على هذه الرائعه

اخوك سعد

[العماري]

صح لسانة على الفريدة

ما ينكسر بيتك على كل الاوزان= ربحت مية قلب وياء قصيدة

[مدور الطلايب]

ص_________________________ح الاسانك ياخليف شاعر جميل ترى دخلنا على والديك لاتهجي واحد من عائلة طلايب يضيع مستقبلهم
واحدن على ماقيل راح بخبـر كـان
واحدن شقي واحدن حياتـه سعيـده

[خليف الوهيداني]

اقتباس من مشاركة سعد الرشيدي صح اللسانك الشاعر المتالق خليف الوهيداني وبيض الله وجهك على هذه الرائعه اخوك سعد

صح بدنك

ومشكور على مرورك

لاهنت

[فيصل الرشيدي]

ابوفيصل صح لساااااااااااااااااانك واعتلا شااااااااااااانك وبيض الله وجهك على هالقصيدة

اكتب شعر واضبـط الحـان واوزان
وان ما انضبط شطر القصيده اعيده

كفو
وما عاش من يكدر خاطرك ويزعلك

شاعر متألق ومبدع دائما

ربي يوفقك ولاهنت