[عايض بن صالح]

السلام عليكم ورحمة الله وبركاته

اخواني اسعد الله صباحكم في كل خير وعافيه

اليكم هذه المساجله بيني وبين الشاعرابو متعب



ابو متعب

سلام يملاه الغلا والموده=واشواق قلب(ن)بالغرام مغلوبه
احب اهل جده وكرنيش جده=وذعذاعه الغربي قليل الرطوبه
الساحل الغربي عيوني توده=ذي معتدل جوه وعادي هبوبه
مد النضر مع ساحل البحر مده=غرب وتلقا الشوق ياعبيد صوبه
صوب المحيط الي محد شاف سده=غلاه يكبربي وتكبر ذنوبه
شاطيه يجذبني بجزره ومده=مالح وفي دافي هواه العذوبه
يابحر رغم البعد ماعنك صده=ولامنك لارحمه ولاعنك توبه

مردي

مثله من اعماق الضماير نرده=سكر نبات ونفس شاعر رحوبه
من هاجس(ن)بعض المعاني تشده=يسرح مع الهاجس شمال وجنوبه
وتحول من بينه وبين المخده=روابع الشاوي مضيع ذهوبه
معها تمادابالنفس وسترده=وقول ماعمر البحر سولفوبه
يوم استدير الفكر معها والده=اشوف في شاطي بحرها العجوبه
صحيح جده غير لصحاب جده=يالصاحب معيبد عليك محسوبه
جده كما بنت(ن)شعرها تكده=عذرا مهي ثيب ولهي مخطوبه
واخير منها السهله المجرهده=لوهي خلا ومحول مهي خصوبه

الموضوع الأصلي: ابومتعب | | الكاتب: عايض بن صالح | | المصدر: شبكة بني عبس

[بنت العبسي]

:p

رااااائعة بمعنى الكلمة صح لسانك ولسانه وسلم الله يدينك

[سعد الشقل]

صح اللسانكـ ياابو صالح انت وابو متعب علىى الرديه الجميله

[مسندالعويمري]

ابوصالح الشويلعي صح السانك

وابو متعب صح السانك

رديه جميله من شاعرين لهم منا كل الشكر والتقدير

[خلف العايضي]

ابو صالح

صح السانك ولسان ابو متعب يالغالــــــــــــي على هذه الروائــــــــع . . .

تقول :

واخير منها السهلـه المجرهـده
لوهي خلا ومحول مهي خصوبـه

تقبل التحيه

ابو نواف & خلف العايضي

[عبدالعزيز الخياري]

صح الله لسانك انت وابو متعب والله لايهينكم

[أبو عيسى]

صح لسانك يا أبوصالح يالشاعر المبدع0 وصح السان أبو متعب الشاعر المتميّز0

[عايض بن صالح]

بنت عبس وسعدالشقل ومسند العويمري وخلف العايضي وعبدالعزيز الخياري والمتصفح

كل الشكر والتقدير على مروركم المشرف

تقبلوا تقديري واحترامي