ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
من روائع الامير الراحل سعود بن بندر
الشاعر الأمير سعود بن بندر - يرحمه الله - يعد من أبرز الشعراء
الشعبيين، ورمز من رموزه.. فقد أشتهر بأسلوبه الخاص الذي ميزه عن غيره من بقية الشعراء.. وذلك من حيث تسلسل العبارات الجميلة، وانتقاء المفردات الحكيمة، وقد أثرى - رحمه الله- الساحة الشعبية بالعديد من القصائد الرائعة الشهيرة فهو لم يكن ذلك الشاعر الذي يكتفي بكتابة الشعر لنفسه بل حرك مشاعره وأنشد بها ليصبح بعد ذلك واحداً من الشعراء المبدعين الذين نظموا أجمل القوافي وأعذبها. يا ليتني بينك وبين المضره من غزه الشوكة إلى سكرة الموت هذا هو آخر بيت كتبه الراحل سعود بن بندر يخاطب به والدته الأميرة البندري بنت عبدالعزيز، فقد بدأ كتابة الشعر منذ صغره وعندما كبر كبرت موهبته وتفجر في داخله الشعر فأصبح شاعراً يغرف من بحر وينحت في الصخر ونجد في شعره ترجمة التعبير الصادق الذي يختلج في نفسه بمشاعر طيبة، وعاطفة جياشة، وأحاسيس مرهفة، نتج عنها في النهاية هذه الأشعار الجميلة التي يمكن حفظها بسهولة.. وكثيراً ما نسمع من هواة الشعر ترديد العديد من أشعاره في مناسبات مختلفة. توفي في يوم 11-11-1406 هجريه رحمه الله واسكنه فسيح جناته . من اجمل قصائده قصيدة : ليتني بينك وبين المضرة والتي كتبها قبل وفاته بفترة وجيزة .. وكانت في والدته .. وهي من اجمل وأروع قصائده ياليتنـي بينـك وبيـن المضـره من غزة الشوكه الى سكرة الموت اوليت شاورني القدر بـس مـره ولبى مطالب رغبتي قبل مافـوت او ليتي لجـرة مواطيـك جـره احمي قدم رجلك مثل جزمة البوت او ليت بيديني السعـد والمسـره واحكم عليها عنك مالحظة تفوت يفداك عمر منك يشعـر بعمـره انتي الحياة لنفسي وردة الصـوت ومن أوراقه الشعرية المشهورة قصيدة (قالوا تحبه) ونقرأ لكم منها هذه الأبيات: قالوا تحبـه قلـت ماهـوب بالحيـل بس إنه أغلا شوي مـن نـور عينـي يسوى جميع الجيـل الأول وهالجيـل وأحبابـي الماضـيـن والمقبليـنـي شوقي له أعظم من ضما الأرض للسيل وأشفق عليه أكثـر مـن أم الجنينـي وأحتاج له حاجة ثرى مصـر للنيـل وعليه أغـار اكثـر مـن الوالدينـي اشتـاق لـه شـوق المحبيـن لليـل وارتاح له راحـة دمـوع الحزينـي لاصار جنبي لو سنـه وقتـي بخيـل ولو غاب لو لحظات صارت سنينـي قالوا يحبك قلت هـذا هـو الويـل ما ودي انشـد ثـم رفضـه يجينـي ومما يميز شاعرنا إجادته البليغة للوصف.. فعندما يصف يبدع: ما حد خذا غيرك من الناس عمرين عمرك وعمر اللي معك فات كلـه وزود عليها صرت مالـك لقلبيـن قلبك وقلب فيـك هـام وتتلـه حبك نزل في القلب بين البطينيـن وفـوق المعاليـق الثلاثـه محلـه يسري غرامك بالدما في الشراييـن مسرى المرض في جسم من حس عله وعن الذكريات والشوق والحنين للأحبة يقول شاعرنا سعود بن بندر: جيت المكان اللي بدا حبنا فيـه وأمطرته عيوني بدمـع الحنينـي وشكيت له قسوتك وإنكار مافيه يوم العهد ويديك تحضن يدينـي ومن قصائد المعاناة قوله: الدمع غالي كـف دمعـك كفايـه وش في دموعك فوق خدك جواري؟ دمعي معك وإن هل دمعك عزايـه ابكي لدمع من العيـون الحـواري يامنـور دنيـاي لـي يامنـايـه ياريف حالي خل عنـك الطـواري تـدري بقلبـي مالحبـك نهـايـه وغلاك عندي مايبي لـه مـواري انتي الفرج دايم الى صابني ضيـق وانتي السند لا كشرت سود الايـام وانتي ملاذي بين كـل المخاليـق ان كان لي حـظ فعمـرك لنـا دام أجيك وهمومي كبر هضبة طويـق واروح منك وكـل الامـال قـدام ومشيت في درب العمر دون توفيق لامال ..لاراحه .. ولا ارضيت الانام عمري ثلاثين مضت كلهـا ضيـق وماعمري استريت فيهـا ولاعـام عانيت تكذيب وعايشـت تصديـق ورضيت تشكيك وسامحت مـن لام هذا ولا نـي دون كـل المطاليـق ايضا ولا مني حصل قطع الارحـام ولا هيب غاياتـي خـداع وتلفيـق ولا هوب حب للمكاسب والارقـام ايضا ولاني من عـداد المغاليـق العابدين نفوسهـم مثـل الاصنـام وا تحبـــه قالوا تحبـه قلـت ماهـوب بالحيـل بس إنه أغلى شوي من نـور عينـي يسوى جميع الجيـل الأول وهالجيـل أحبـابـي الماضـيـن والمقبليـنـي شوقي له أعظم من ظما الأرض للسيل وأشفق عليه أكثـر مـن أم الجنينـي وأحتاج له حاجة ثرى مصـر للنيـل وعليه أغـار ولـو مـن الوالدينـي أشتـاق لـه شـوق المحبيـن لليـل وأرتاح لـه راحـة دمـوع الحزينـي لا صار جنبي لو سنـه وقتـي بخيـل ولا غاب لو لحظات صـارت سنينـي قالوا يحبك قلـت هـذا هـو الويـل ما ودي أنشـد ثـم رفضـه يجينـي وأهدم رجاي بدبرتي مثـل مـا قيـل والأفضل أحيـا بالأمـل لـو لحينـي يا حبكـم يـا نـاس للقـال والقيـل والأمر لو هو سهـل يصبـح مهينـي خلوني أحيا في الوهـم يـا عواذيـل وش دخلكـم والأمـر بينـه وبينـي يا مـلاكـي ليــه يا ملاكي ليه نقضت الجـروح الله يسامحـك لـو لوعتـنـي يا خفيف الروح يالوجه الصبوح للهوى غصب علـي رجعتنـي قبلك احساسي تجمد مثل لـوح وعقب نظرات الخجل طوعتنـي شفت في عينك وعد سعد يلوح ومن طويلات الهدب شجعتنـي انبعث في قلبي اللي مات روح ولو نطق بيقول ليه أوجعتنـي فاض حبي لك مثل طوفان نوح ومثل مـا فرّحتنـي روّعتنـي دعني مع الأحلام دعني مع الأحـلام بالله دعنـي عن واقعي فضّلت دنيـا خيالـي أشوف بعدي عن وجودي نفعني على الأقل أرتاح يا صـاح بالـي كثر التأمل يا عزيـزي رفعنـي عن مستوى التفكير باللي جرا لي اللي عطيته كل حبـي صفعنـي بالغدر يالله ويـن ذيـك الليالـي هاوي عذابي دون رحمة دفعنـي ياللخسـارة فالبقـا وش بقالـي تاريخ حظي يوم خبري خدعنـي واليوم حالي كافي عـن سؤالـي فراق وفراق ما كلف الله نفـس مـا لا تطيقـه البعد والحرمان مـا عـاد ينطـاق ما كنت أفكـر فـي فراقـك دقيقـه لولا ان عقلي من سبات الهوى فاق وشفت ان جمع الشمل ما له طريقه ولا صار لي قدرة على قهر الأشواق تسر الليالي السود مثـل الحريقـه تحرق من أيام العمر خضر الأوراق ونور الأمل في الوصل يفقد بريقـه ودايم وحنا بالاسـم بـس عشـاق أظهر لـي الواقـع ومـر الحقيقـه كلش يقول فـراق وفـراق وفـراق كرهني بنفسك كأنك على قولك تمنى لـي الخيـر ساعدني أنسى حبك اللـي خذانـي خلي حياتـي تنقلـب كلهـا غيـر وانسى الحبايب والزمن والمكانـي حبي لك أبلغ مـن كـل الأساطيـر ما له بقاموس الهوى وصف ثانـي لا شك أنا أشعر بالنهاية وش تصير واحسب حساب فراقنـا بالثوانـي بيني وبينك واقـع الحـال تحذيـر وعند الموادع مـا تفيـد الأمانـي عندك خبر مثلـي بحكـم المقاديـر على هوانـا صـادر الحكـم ثانـي كرهني بنفسك ولو بذنـب صغيـر القى به اعذاري واعـود لزمانـي المشكل انه ما بدى منـك تقصيـر وهذا يـزود واقعـك فـي كيانـي حـاول وأحـاول حاول وأحاول يصير فراقنا عـادي الله عطانـا العقـل حتـى يعنينـا خل المقادير تمشي مشيها العـادي في عمرنا يفعل الله ما نـوى فينـا ما فادتك دمعتك ولا فادك عنـادي لا صار ربي حرمنا مـن بيعطينـا فرقا وصارت ولا تحزن على بعادي وأنا بحاول على نسيـان ماضينـا ونبدا حيـاة جديـدة كـل بـوادي يا حسرتي يا غرام عشتـه سنينـا يا وحشة الليل في بعدك بلا رقادي ويا طول اليوم ما شفتك ولو حينـا الموضوع الأصلي: من روائع الامير الراحل سعود بن بندر | | الكاتب: ابو محمد العريض | | المصدر: شبكة بني عبس
|
|
حاول وأحاول يصير فراقنا عـادي
الله عطانـا العقـل حتـى يعنينـا خل المقادير تمشي مشيها العـادي في عمرنا يفعل الله ما نـوى فينـا ما فادتك دمعتك ولا فادك عنـادي لا صار ربي حرمنا مـن بيعطينـا فرقا وصارت ولا تحزن على بعادي وأنا بحاول على نسيـان ماضينـا ونبدا حيـاة جديـدة كـل بـوادي يا حسرتي يا غرام عشتـه سنينـا يا وحشة الليل في بعدك بلا رقادي ويا طول اليوم ما شفتك ولو حينـا مشكور ابو محمد على النقل
|
|
|
مشكورة بنت النور على مرورك
|
|
|
حبي لك أبلغ مـن جميع الأساطيـر
ما له بقاموس الهوى وصف ثانـي ابو محمد صح الله لسان المرحوم (الفيلسوف) وأحب اضيف لك شئ سيدي تخطي علي .. واستسمحك .. وترجاك ضعفي هواك ..وفطنتك ماتخونك المشكل اني كل .. ماجيت ابنساك فكرت نفسي كيف .. ترتاح دونك وما ظن لاهذا ..ولاذا.. ولاذاك واللي سمعت بذكره ... يعوضونك تدري اني اعشق فيك شامل سجاياك زينك وشينك .. في قساك وليونك واني متيم في محاسن محياك وتعرف على وشلون .. سلطة عيونك تامر على من موقها الموت ... هذاك واطاوع امره قبل ترمش ..حفونك رديت قلبي عنك لاشك..هو جاك وجيتك معه راضي بمقبل طعونك ارجع واقول .. اهواك..واهواك واهواك وبكفيك اتعذب ... ولكن بهونك .......................................... لا يصيبـك شك مني في غـــلاك يامغلـي عيشـة أيام .. العمـــر لا يهمـك من حكي هــذا .. وذاك ولا يصيبك يابعد عمري كــــدر منوة العــذال يسعـون الهـــلاك حبنـا اللي توه بعمـر الزهـــر لو يشوفـك من عذلنـي في هــواك مثل ماأشوفـك عذرني وأعتــذر وأعترف أنـك على وصفــي مــــلاك وإن عندي يوم حبيتـك نظـــــر واجـد أهل الـزيـن لكـن في بهـــاك الجمـال بكــل معنــى مختصــــر خالقـك سبحانـه .. إختــار وعطــــاك كل كامـل من تواصيـف البشــــر لك ارق تحيه عذب المشااااعر
|
|
|
درر غاليه..
وجواهر ثمينه لشاعر عذب..امتعنا بكلماته.. وشاركنا بآهاته.. رحمه الله ابو محمد العريض.. تسلم يمينك..على هذا المجهود الرائع..
|
|
|
مشكور اخوى عمران على مرورك
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| قصيدة تشرفت بألقائها أمام صاحب السمو الامير بندر بن محمد آل سعود | عبدالهادي بن صبح | منتدى الشـــعــــر | 32 | 02-10-2012 11:56 PM |
| قصيده وقصه في نفس الوقت من روائع الراحل عبدالله فضاله | الجوكر | المنتدى الأدبــــــــــــي | 2 | 03-12-2011 04:22 PM |
| الشاعر الامير سعود بن بندر رحمه الله | منصور غنيمان | منتدى الشـــعــــر | 1 | 01-04-2009 08:42 AM |
| أجمل قصائد من روائع ( سعود بن بندر ) اتمناء ان تنال اعجابكم | البدر المهاجر | منتدى الشـــعــــر | 22 | 08-03-2007 10:23 PM |
| من روائع بندر بن سرور | بدر الحشية | منتدى الشـــعــــر | 5 | 12-10-2006 06:42 AM |
الساعة الآن +4: 01:40 PM.
جميع الحقوق محفوظة شبكة بني عبس
